Бирок багбандар жүзүмзардын ээсинин кулдарын кордошкон жана өлтүрүшкөн. Машаяк: «Жүзүмзардын ээсинин жакшы көргөн уулу бар эле. „Уулумду сыйлашар“ — деп, акырында аны жөнөтөт. Бирок багбандар бири-бирине: „Бул — мурасчы. Жүргүлө, өлтүрүп салалы, ошондо мурас биздики болот“,— деп айтышат. Анан аны кармап алып, өлтүрүшөт»,— дейт (Марк 12:6—8).

Диний жетекчилер Машаяктын «бул мисалды өздөрүнө карата айтканын түшүнүшөт» (Лука 20:19). Ошондо алар аны, «мурасчыны», өлтүрүүдөн кайра тартпачудай болуп калышат. Бирок аны пайгамбар деп эсептеген элден корккондуктан даай алышпайт.