3. а) «Рухтун жемишин» өстүргөнүбүз кандайча Кудайга даңк алып келет? б) Кайсы суроолорго жооп алабыз?

³ Ыйык рухтун жардамы менен өрчүгөн сапаттар ыйык рухтун Булагы болгон Жахаба Кудайдын табиятын чагылдырат (Кол. 3:9, 10). Иса элчилерине: «Силер көп жемиш берип... жатканыңардан улам Атам даңкталууда»,— деп айтуу менен өзүнүн жолдоочулары Кудайды тууроого эмне үчүн аракет кылышы керектигинин эң негизги себебин баса белгилегенa (Жкн. 15:8). «Рухтун жемишин» өрчүткөнүбүз сүйлөгөн сөзүбүздөн, кылган ишибизден айкын көрүнөт, бул болсо Кудайыбызга даңк алып келет (Мт. 5:16). Рухтун жемишине кирген сапаттар Шайтандын дүйнөсүнө мүнөздүү сапаттардан эмнеси менен айырмаланат? Рухтун жемишин канткенде өстүрө алабыз? Бул эмне үчүн кыйынга турат? Рухтун жемишине кирген сапаттардын үчөөсүн — сүйүүнү, кубанычты, тынчтыкты — карап чыгуу менен ушул суроолорго жооп ала алабыз.