Olembiwa na Luka

22 Sopano Ikondwelelo ya Mikate Do-okaana Vyofufumi-a, ineyo yaiziweya ira Pasika, yali inga-alile vang’ono ireya. 2 Koma teto asembe alukulu na alembi koosaelasaela ndila yapama yoi kamuphele Yesu, chifukwa kaova athu. 3 Koma Satana oomu-indi-eda chito Yudasi, unoyo aiziweya ira Isikariyoti, m’mo-i wa ofunjeda 12. 4 Liye oodowa kambilana na asembe alukulu na oing’anela kachisi vya mwemo unamupelekele liye Yesu wa aluwa. 5 Aluwa koosangalala moi koogwilizana vyoi kamuva-e ndalama da siliva. 6 Eno liye oosomedela, moi oowambeela saela mpata wapama oyi amupelekele wa aluwa vamalo voi kavali gulu la athu.

7 Sopano dambo la Ikondwelelo ya Mikate Do-okaana Vyofufumi-a loofiya, dambo lelo sembe ya Pasika yafuneyaathu pelekiwa. 8 Yesu ooruma Petulo na Yohani noawandela ira: “Dowani mwanisakaedele Pasika ira nidje.” 9 Aluwa koomufuka ira: “Kodi munafuna ira nidowe nausakaedeleni waani?” 10 Liye oowasomeda ira: “Mwavolowa mu mzinda, munodowa mwagumane na lombwana m’mo-iwa angatukulile suwo wa ma-inje. Mudowe mwamu-are mu nyumba ineyo unavolowe liye. 11 Moi mudowe mwamuwandele mwinyailo wa nyumbeyo ira, ‘Mphunzisi uongile ira: “Subi la alendo lili waani ira miyo ndidjelemo Pasika limo-i na ofunjedanga?”’ 12 Ndiye muthuyo unodowa auwoni-eni subi lilukulu lamudimu losamaleliwa pama. Mudowe mwanisakaedele mwemo Pasika.” 13 Eno aluwa koodowa moi vyooireya monga mwemo Yesu aawandelile liye. Moi wewo aluwa koolinganiza vyongo vyetene vyofuneya va Pasika.

14 Thawi ingakwakwanile, oogarati vatebulo limo-i na anamarumiwae. 15 Ndiye liye ooawandela ira: “Ndikala ndilakalakanga vinjinji ira ndidje Pasikola limo-i na nyo ndaanaambeele zuzumi-iwa. 16 Chifukwa ndinauwandelani ira kandinaza ndidja nawili Pasika mpakana vyongo vyetene vyevyo Pasikola unaimelela liye vingakwakwaneli-ediwe mu Umwene wa Mulungu.” 17 Ndiye liye oowachela kapu nopempela, moi vanduli viwa aongile ira: “Wachelani kapwila, moi etene mung’we mova-edana. 18 Ndithu ndinauwandelani ira, ambeela vathawiila kandinaza nding’wa nawili yong’wa yokumela wu mphesa mpakana Umwene wa Mulungu ungazile.”

19 Vanduli viwa oolanda mkate. Angapempelile, ooumeyameya nowava-a moi aongile ira: “Mkatela unaimelela thuthu langa lelo linapelekiwa chifukwa ya nyo. Mupangenga vyevi vondiumbuwela.” 20 Oopanga teto chimozimozi na kapu angadjile yodja ya mazulo. Liye aongile ira: “Kapwila inaimelela pangano lisha lelo lagarati-iwe vo-indi-eda chito magazanga, anayo kanaze kakhesiwe chifukwa ya nyo.

21 Koma kaonani! Muthu unoyo unafuna ndipeleka uli limo-i na miyo vatebulo vevano. 22 Chifukwa Mwana wa muthu unodowa mogwilizana na vyevyo vyalembiwe. Koma soka wa muthu unoyo unamupeleka Mwana wa muthu!” 23 Eno aluwa koowambeela fukana ekiwa vya muthu unoyo afuna mupeleka.

24 Vanduli viwa koowambeela kangana vya muthu unoyo ali mulukulu vinjinji vaari viwa. 25 Koma Yesu ooawandela ira: “Mamwene a athu kanolamulela athu mwemo kanafunelaathu, moi aluwa kanoiziweya monga athu anayo kanapangela vyapama athwiwa. 26 Koma nyo kamukale oyi eno. M’malomwiwa unoyo uli mulukulu vinjinji akale ngati n’ng’onong’ono vinjinji vaari vinyu, moi unoyo uli msogoleli akale ngati mtumikinyu. 27 Kodi mulukulu ngu mbaani, unoyo unadja vatebulo kapena unoyo unatumikela? Kodi kai unoyo unadja vatebulo? Koma miyo ndili vaari vinyu ngati mtumikinyu.

28 Koma nyo, mukalave limo-i na miyo vevo ndagumana miyo na maesero. 29 Eno ndinopanga pangano na nyo, mofwanafwana na mwemo Babanga upangele liye pangano la Umwene na miyo, 30 ira mudowe mwadje nong’wa vatebulo langa, mu Umwenanga, koma teto ira mudowe mwakale m’mipando da Umwene noweluzanga mafuko 12 a Isaraeli.

31 Simoni, Simoni! Ndithu Satana unafuna ira auveeteni nyo etene ngati tirigu. 32 Koma miyo ndiupempelela ira iroromelwawo kimale. Eno wadowa waninyu, udowe waalimbikise abalawo.” 33 Vanduli viwa Petulo oomuwandela Yesu ira: “Mbwiyeni, ndili okozeya dowa undende limo-i na nyo kapena khwa limo-i na nyo.” 34 Koma Yesu oomusomeda ira: “Ndinaauwandela Petulo, ira peeno tambala aanaule, weyo unondikoonda maulendo maralu ira kunandiiziwa.”

35 Yesu ooawandela teto ofunjedayayo ira: “Vevo ndautumizileni miyo ookaana ikwama ya ndalama, thumba la yodja kapena sapato, kodi moosauwela yongo iliyetene?” Aluwa koosomeda ira: “Naari!” 36 Vanduli viwa ooawandela ira: “Koma sopano muthu unoyo un’na chikwama ya ndalama kapena thumba la yodja alande. Moi muthu unoyo kan’na supada aguli-e malayae aunde ira agule supada. 37 Chifukwa ndinauwandelani ira vyevyo vyalembiwe vinafuneya kwakwaneli-ediwa mwa miyo, vyoi, ‘Liye oo-eliwa mugulu la athu o-ovwela malamulo.’ Vili eno chifukwa vyevyo vyalembiwe vyokuza miyo vinokwakwaneli-ediwa.” 38 Ndiye aluwa kaongile ira: “Kaonani Mbwiyeni! Nin’na masupada men’li ala.” Liye ooawandela ira: “Anala mbokwakwanela.”

39 Angakumile wewo oodowa wu Mwango wa Maolivi ngati mwemo apangela liye thawi detene moi ofunjedae teto koomu-arela. 40 Kangafiile wewo liye ooawandela ofunjedae ira: “Pitilizani pempela ira kamuvolowe m’maesero.” 41 Angairile eno oodowa vasogolo vang’ono, moi ookokora nowambeela pempela 42 ira: “Babani, akala munafuna, ndichoseleni kapu inela. Koma vyevyo munafuna nyo viireye, o-okala vyofuna vyanga.” 43 Vanduli viwa ngelo okumela udimu ooza wa liye za mulimbikisa. 44 Koma liye oovuteya vinjinji m’murimani mwae, moi oopitiliza pempela na murima wetene, mpakana likurumela lae laoneya ngati madontho a magazi anayo kanamorela vati. 45 Angamari-ile pempela, liye oodowa vevo vali oofunjedae, moi aafwanyile kagonanga chifukwa yoi kali kangafookile na chisoni. 46 Liye ooawandela ira: “Chifukwa n’ni munagona? Venyani mupitilize pempela ira kamuvolowe m’maesero.”

47 Aanamari-e onga, voofiya gulu la athu lelo lasogoleliwa na Yudasi, m’mo-i wa ofunjeda 12. Ndiye Yudasiyo oodowa vevo vali Yesu ira amukise. 48 Koma Yesu oomufuka ira: “Yudasi, kodi unamupeleka Mwana wa muthu na kisi?” 49 Athu anayo kali vakwikwi na liye kangaonile vyevyo vyaireya kaongile ira: “Mbwiyeni, kodi niakakate na supada?” 50 M’mo-i wa aluwa oopaza libaru la kapolo wa ndimuwa wa asembe. 51 Koma Yesu aongile ira: “Kamupange vyevyo.” Moi oo-inda libarulo nomuchili-a. 52 Ndiye Yesu oowafuka asembe alukulu, oing’anela kachisi na andimuwa anayo kazide za mu-inda ira: “Bwanji muzide na masupada koma teto vimwiri ngati munafuna muze mulimbane na wachifamba? 53 Dambo na dambo ndali limo-i na nyo mukachisi koma kamwandi-indile. Koma sopano ila chithawinyu koma teto chithawi ya ulamulilo wa athu anayo kali mudima.”

54 Vanduli viwa aluwa koomu-inda nomumanga moi koomuvolochi-a m’mba mwa ndimuwa wa asembe. Koma Petulo oowa-arela angali vandendai. 55 Athu kangatumbanyile mulo muwari mwa mpanda nogarati vamo-i etene, naliyene teto Petulo oogarati vevo. 56 Koma sikana m’mo-iwa wachito angamuonile awotanga mulo, oomuing’anechecha noonga ira: “Muthula ali limo-i na Yesu.” 57 Koma liye ookoonda ira: “Sikanawe, muthu unola miyo kandinamuiziwa.” 58 Vangavirile thawi yoyeva, muthu m’mo-iwa oomuona noonga ira: “Nawen’ne teto uli mugulu la ofunjedae.” Koma Petulo aongile ira: “Kai miyo.” 59 Vangavirile ola limo-i, muthu m’mo-iwa teto oowambeela onga mosimikiza ira: “Ndithu kandinakaikela, muthula teto ali limo-i na liye, moi liye ngu Mgalileya!” 60 Koma Petulo aongile ira: “Kandinaiziwa vyevyo unaonga we.” Thawi ineyo, aanamari-e onga, tambala ooula. 61 Vanduli viwa Yesu ootembenuwa nomuing’ana Petulo, moi Petuloyo ooumbuwela mawu anayo Yesu amuwandelile liye oyi: “Peeno tambala aanaule, weyo unondikoonda maulendo maralu.” 62 Vanduli viwa Petulo ookuma vande nowambeela ula movoreiwa murima vinjinji.

63 Sopano athu anayo kamu-indile Yesu koowambeela mupangela vyaibewe koma teto muvaza. 64 Aluwa koomukuneela umaso nomufukanga ira: “Ro-a. Mbaani unoyo uuvazile?” 65 Moi koopitiliza onga vyongo vinjinji vyomunyoza.

66 Unde ungachile, bungwe la andimuwa, limo-i na asembe alukulu koma teto alembi, koosonkana vamo-i, moi koomudowana Ukhoti Lilukulu la Ayuda.* Wewo aluwa kaongile ira: 67 “Uniwandele akala uli Kristu.” Koma liye oowasomeda ira: “Ngakale ndiuwandeleni, kamunaroromela. 68 Koma teto ngakale ndangaufukileni, kamunawande someda. 69 Koma ambeela vathawiila mpakana usogolo, munoza mumuone Mwana wa muthu angagaratile undanda lodjana lakopolo la Mulungu.” 70 Angaongile vyevi athu etene kaongile ira: “Kodi weyo uli Mwana wa Mulungu?” Liye oowasomeda ira: “Muongile ekinyu ira ndili Mwana wa Mulungu.” 71 Aluwa kaongile ira: “Kodi ninofuneya teto umboni umo-iwa veva? Nivivwela eki-u kumela vamulomo vae.”