Chithwi-u Yolaleela na Ingumi-u ya Ikiristu—2025 | Julayi

MULUNGU WA JULAYI 28–OGASTE 3

MIYAMBO 24

Nyimbo 38 na Pempelo | Mawu Owambeela (1 min.)

CHUMA YOFWANYEYA M’MAWU A MULUNGU

1. Mukozeelenga Mavuto

(10 min.)

Mufwanye zelu koma teto iziwa vyongo (Miy 24:5; it-2 takuru 610 ndima 8)

Pitilizani panga vyongo vyauzimu, ngakale vevo mukumudwile nyo (Miy 24:10; w09 12/15 takuru 18 ndima 12-13)

Kala olimba mwauzimu kuwewo unaukami-eni limbana na mavuto (Miy 24:16; w20.12 takuru 15)

Murongola m’mo-iwa unoyo unabulela marenda alukulu, unaalaleela nyumba na nyumba mosangalala na fwae. Una-indi-eda chito tabuletae vomulaleela muzimai m’mo-i.

2. Makundo Okami-a

(10 min.)

Miy 24:27 — Kodi ti likundo liivi lelo ninalifwanya iyo valembali? (w09 10/15 takuru 12)

Yosomeda
Kodi mba makundo aavi anayo mufwanyile nyo vowelenga winyu Baibulo wa mulungu ula?

Yosomeda

3. Welenga Baibulo

(4 min.) Miy 24:1-20 (th-CN phuzilo 11)

FUNJI-A MWALUSO MU UTUMIKI

4. Ulendo Owambeela

(2 min.) LALEELA MWAMWAI. Muu-iya kambilana na muthu mwaanamulaleele. (lmd phuzilo 2 likundo 4)

5. Ulendo Owambeela

(3 min.) UNYUMBA NA NYUMBA. (lmd phuzilo 3 likundo 4)

6. Ulendo Owambeela

(3 min.) LALEELA VAMALO OFWANYEYA ATHU ANJINJI. Muwandeleni ira ninofunjeda Baibulo na athu, teto muva-eni kaadi loiziwi-a vya phuzilo la Baibulo. (lmd phuzilo 4 likundo 3)

7. Khani

(3 min.) lmd vyaumapeto A likundo 11 — Muru: Mulungu Ooniva-a Uthenga Wapama. (th-CN phuzilo 6)

MOYWI-U WA IKRISTU

Nyimbo 99

8. Nikami-anenga Nagumana na Mavuto

(15 min.) Khani yokambilana.

Mulili, ngozi damuilengedwe, vyachiwawa, kondo kapena izunzo vinokoza ireya mooembekezeleya. Vyevi vyaireya, abali na arongola anayo kakuziwayo kanokoza kami-ananga koma teto limbikisananga. Komave ngakale ira iyo amo-i ngoziyo kinikuzile mwachindunji, vinonivoreya moi ninopanga vyetene vyevyo vinawande iyo ira niakami-e. — 1Akor 12:25, 26.

Vithuzithuzi: Abali na arongola kanakami-a akristu afwiwa mundila do-iyana-iyana. 1. Abali na arongola kanamanga Nyumba ya Umwene ineyo yaonongeile na masoka ailengedwe. 2. Abali na arongola kanawachela mosangalala murongola wothawa waniwa na mwanae. 3. Murongola unavocha ndalama m’bokosi la vyopeleka Unyumba ya Umwene. 4. Abali na arongola kanapeleka vyongo vyofuneya wa akristu afwiwa othawa waniwa wu Nyumba ya Umwene. 5. Abali na arongola ovipeleka kanapeleka ma-inje am’mabotolo wa akristu afwiwa. 6. M’bali unaapempela.

Welengani 1 Mamwene 13:6 na Yakobo 5:16b.Vanduli viwa fukani yofuka yo-arelela:

Chifukwa n’ni mapempelo anayo atumiki a Yehova kanapelekaathu m’malo mwa afwiwa kanakala akopolo?

Yosomeda

Welengani Maliko 12:42-44 na 2 Akorinto 8:1-4. Vanduli viwa fukani yofuka yo-arelela:

Ngakale ira kaninafwanya ndalama dinjinji, moi ninakedecha kwakwani-a peleka ndalama doeva va chito ya vailambo yetene ira vidowe vyakami-e abali na arongoli-u anayo kanafuneela likame-edo, chifukwa n’ni ninafuneya pitilizangave peleka?

Yosomeda

Onelani VIDIYO yoi Limbikisa Abali Chitwi-u Yaruni-iwa. Vanduli viwa fukani vyofuka vyo-arelavi:

Kodi abali katonyi-edile avi chikondi yololela vuteela amo-i vokami-a Akristu afwiwa anayo kali m’madela anayo chitwi-u yali yoruni-iwa wu Eastern Europe?

Yosomeda
Vathawi ineyo chitwi-u yaliathu yoruni-iwa, kodi abali katonyi-edile avi vwela lamulo loi kasonkanenga koma teto limbikisana? — Ahe 10:24, 25

Yosomeda