Olembiwa na Mateyu
8 Angatitile m’mwangomo, gulu la athu loomu-arela. 2 Vanduli viwa voofiya muthu wa makate. Muthuyo oomukokorela noonga ira: “Mbwiyeni, ndinoiziwa ira akala munafuna, munokoza ndichili-a.” 3 Eno Yesu ootapula ndanda lae nomu-inda moi oomuwandela ira: “Ee ndinofuna. Marendawo kamale.” Thawi ineyo makatae koomala. 4 Ndiye Yesu oomuwandela ira: “Samala, kumuwandele muthu uliwetene vya khani inela, koma udowe wavioni-ede wa wasembe teto udowe wapeleke mphaso ineyo Mose alamulile liye, ira ikale umboni wa aluwa.”
5 Angavolowile mu mzinda wa Kaperenao, msogoleli wa asilikali ooza wa liye nomuvepa 6 ira: “Mbwiyeni, wachitwanga unaabulela marenda okhwa viwalo moi eni uli ogonatene m’mba teto unovuteya vinjinji.” 7 Liye oomuwandela ira: “Ndafiya wewo ndinoza ndimuchili-e.” 8 Msogoleli wa asilikaliyo oosomeda ira: “Mbwiyeni, miyo kandili muthu ofwanelela ira nyo mudowe mwavolowe m’mba mwanga, koma mukede onga mawu oka moi wachitwangoyo unochila. 9 Chifukwa namiyene ndikaana andimuwa ondiing’anela koma teto ndikaana asilikali anayo ndinaaing’anela miyo. Ndamuwandela m’mo-i ira, ‘Dowa!’ unodowa, m’mo-iwa ndamuwandela ira, ‘Kaza uno!’ unoza. Kapolwanga ndamuwandela ira, ‘Panga yakuti!’ unopanga.” 10 Yesu angavwile vyevi, oodabwa moi ooawandela anayo kamu-arelale ira: “Onga vyoona, mu Isaraeli kandifwanyilemo muthu uliwetene wa iroromelo ngati inela. 11 Koma ndinauwandelani ira athu anjinji okumela umamawa na umazulo kanoza kaze nogarati vatebulo limo-i na Aburahamu, Isaki na Yakobo mu Umwene waudimu, 12 koma a-ima a Umwenoyo kanoza kavochiwe unde udima. Wewo kanoza kaule nokukuta mano.” 13 Vanduli viwa Yesu oomuwandela msogoleli wa asilikaliyo ira: “Dowa. Chifukwa yoi utonyi-eda iroromelo, vyevyo uvepile we viireye.” Thawi ineyo wachitole oochila.
14 Sopano Yesu angavolowile m’mba mwa Petulo, oowaona apongozae a Petulo kangagonatile, chifukwa kali kabulelanga malungo. 15 Eno oo-inda ndanda liwa teto malungwayo koomala thawi ineyo, moi koovenya nowambeela mupiyela yodja. 16 Koma mazulo, athu anjinji koomuzelana athu anayo ka-indiwe na viwanda. Liye ookumi-a mizimu dotakalado na mawu oka moi oochili-a athu etene anayo kabulela. 17 Oopanga vyevi ira vyevyo Mulungu aongile liye zela mwa namaongela Yesaya vikwakwaneli-ediwe. Aongile ira: “Liye oomali-a marendi-u na vyovoreya vi-u vyetene.”
18 Yesu angaonile ira gulu la athu limurungunuwa, ooawandela ofunjedae ira: “Tiyemoni nilambuwele ukombela imo-iwa.” 19 Sopano mulembi m’mo-iwa ooza nomuwandela ira: “Mphunzisi, ndinou-arelani uliwetene wewo munadowe nyo.” 20 Koma Yesu oomuwandela ira: “Akhandwe kookaana maphangiwa okala, teto mbalame damulengalenga dikaana thunji diwa, koma Mwana wa muthu kan’na nyumbae.” 21 Vanduli viwa m’mo-i mwa ofunjedae oomuwandela ira: “Mbwiyeni, ndiloleni ira ndiambeele dowa nda-ele malilo a babanga.” 22 Koma Yesu oomusomeda ira: “Weyo upitilizeve ndi-arela, moi uwa-iye okhwa ka-ele okhwa afwiwa.”
23 Angagwelile mungalawa, ofunjedae koomu-arela. 24 Vanduli viwa vanyanjavo voowambeela lipevo lakopolo moi ma-inje koowambeela volowa mungalawamo chifukwa ya mafunde akopolo, koma Yesu ali agonanga. 25 Moi aluwa koodowa muvenyi-a nomuwandela ira: “Mbwiyeni, nivulumucheni ninokhwa!” 26 Koma liye oowafuka ira: “Chifukwa n’ni munaova eni, athu airoromelo yoyeva nyo?” Vanduli viwa liye oovenya nosumulula lipevo na nyanjeyo, moi vyetene vyoogarateya. 27 Eno ofunjedayo koodabwa noonga ira: “Kodi muthu unola ngoi avi? Ngakale lipevo na nyanja vinomuvwela.”
28 Angafiile ukombela imo-iwa mudela la Agadara, oogumana na alombwana ambin’li o-indiwa na viwanda kakumelanga umanda.* Alombwana anala kali oophi-a vinjinji moi kavali muthu uliwetene unoyo alimba murima vira sewu unoyo. 29 Thawi ineyo aluwa kookuwa ira: “Kodi munafuna n’ni wa iyo, nyo Mwana wa Mulungu? Kodi muzile ira muniva-e ilango thawi yo-eliwa yaanakwakwane?” 30 Koma vandendai na vevo kaliathu, vookala khumba dinjinji dedo dadja. 31 Eno viwandavyo vyoowambeela muchondelela Yesu ira: “Akala munafuna nikumi-a, munitumize ira nidowe navolowe mwa khumbado.” 32 Liye oowandela viwandavyo ira: “Dowani!” Eno viwandavyo vyookuma nodowa volowa mwa khumba dile. Thawi ineyo khumba detene dedo dootamangela uphedi nodowa lupela munyanja, moi dookhwela mwemo. 33 Koma abusa anayo kaweta khumbado kootawa moi kangavolowile mu mzindamo koowafotokozela athu vyetene vyevyo vyaireile, tangani-avo vyevyo vyaaireele alombwana ambin’li o-indiwa na viwandale. 34 Vingairile eno, athu etene a mu mzindamo koodowa gumana na Yesu. Kangamuonile, koomuvepa ira avenyemo mudela liwalo.