Estere Oovulumucha Athu a Tundwae

Estere ali musikana Waiyuda moi akala mumzinda wa Susani wu Perisiya. Banja liwa loolandiwa na Nebukadinezara kumela wu Yelusalemu. Eno wu Perisiyawo aleliwa na balae, zina lae Moredekai, unoyo a-inda chito wa mwene Ahasiwero.

Vathawi imo-iwa, mwene Ahasiwero yoofuna mwene wa iyana musha. Eno atumikae koomuzelana a-iyana etene oriya amuilambweyo. Estere ali teto mugulu leli. Mwene yoomusakula Estere ira akale mwene wa iyana. Koma Moredekai oomuwandela Estere ira kaulule vyoi liye ngu Muyuda.

Muilambweyo mookala muthu m’mo-iwa zina lae Hamani. Liye ooing’anela nduna da mwene koma ali onyada vinjinji teto oofuna ira muthu uliwetene amulambelenga. Koma Moredekai kaamulambela Hamani. Eno Hamani oolunduwa vinjinji teto oofuna mupha Moredekai moi angavwile vyoi Moredekai ngu Muyuda, ookoza pulani yoi Ayuda etene kaphiwe. Oomuwandela mwene ira: ‘Ayudala mba athu oopi-a vinjinji moi munafuneya apha etene.’ Vingaireile eno mwene yoomuva-a kopolo yogarati-a lamulo teto yoomuwandela ira: ‘Panga iliyetene ineyo unaone we ira chiyokami-a.’ Hamani oogarati-a lamulo lowandela athu ira kaaphe Ayuda etene va dambo la 13 la mwedi wa Adara. Koma Yehova oona vyetene vyevi.

Estere kaaiziwa vya lamuloli. Eno Moredekai oomutumizela ikalata yoonga vya lamuloli koma teto uthenga woi: ‘Dowa waonge na mwene vyokuza khanila.’ Estere oonga ira: ‘Uliwetene odowa wa mwene aanaitaniwe, unophiwecha. Vimala malambo 30 mwene yaanandiitane. Komave ndinodowa. Anditonya na imwiri, kandinaphiwa. Koma aanditonye ndinophiwa.’

Estere oodowa wa mwene moi yoomutonya na imwiri. Vanduli viwa mweneyo yoomufuka ira: ‘Estere, unafuna ndiupangele n’ni?’ Estere oosomeda ira: ‘Ndinavepa ira nyo na Hamani muze wu phwando lelo ndinafuna miyo panga.’ Kangadowile wu phwandolo, oowavepa ira kaze nawili dambo lo-arela. Vaulendo wanambilila, mwene yoomufuka nawili Estere ira: ‘Unafuna ndiupangele n’ni?’ Liye oosomeda ira: ‘Viikala muthu m’mo-iwa unoyo unafuna ndipha miyo koma teto athu atundwanga ndinavepa ira munivulumuche.’ Mweneyo yoomufuka ira: ‘Ngu mbaani unafuna uphani?’ Liye oosomeda ira: ‘Ngu Hamani unola ugaratile vola.’ Ahasiwero oolunduwa vinjinji moi oolamula ira Hamani aphiwe thawi ineyo.

Koma kavali muthu unoyo amali-e lamulo lelo Hamani agarati-ile liye. Eno mweneyo yoomusakula Moredekai ira akale ndimuwa wanduna dae teto oomuva-a kopolo yogarati-a lamulo lisha. Eno Moredekai oogarati-a lamulo lowava-a Ayuda kopolo ira kaviteteze. Dambo la 13 la mwedi wa Adara lingafiile, Ayuda kooviteteza wa adaniwa teto koowagonji-a. Kumela vathawi inela Ayuda koosangalala dambo leli lafiya va chaka iliyetene.