Kodi Munaganiza ira Vyongo Vinaza Vikala avi Usogolo?

VYEVYO BAIBULO LINAONGAATHU

“Mulungu . . . unoza asusure misodi detene m’maso mwiwa, moi khwa kunaza ukalawo akoka. Kunaza ukala teto ula, kapena dumbela, ngakale voreya. Vyongo vyawan’le viivira.”— Chivumbuluso 21:3, 4, Baibulo la Dziko Latsopano.

KODI VYEVI VINATAPULELA N’NI?

Munoza mukale na moyo osangalasa koma teto chito yapama.—Yesaya 65:21-23.

Kamunaza mubulela kapena vuteya mundila iliyetene.—Yesaya 25:8; 33:24.

Munoza mukale osangalala, na banja linyu koma teto afwinyu mpakana walewale.—Salimo 37:11, 29.

KODI VYEVYO BAIBULO LINAONGAATHUVI NINOKOZA VIROROMELA?

Ee, ninokoza viroromela va vifukwa vin’li vi:

• Mulungu ukaana kopolo dokwakwaneli-edela lonjezo leli. M’Baibulo, ngu Yehova Mulungu eka unoyo unaromoliwa “wakopolo detene,” chifukwa ukaana kopolo dookaana malile. (Chivumbuluso 15:3) Eno unoza akwakwaneli-ede lonjezo lae lochenja ilambwela ira ikale yapama. Moi Baibulo linaonga ira, “vyongo vyetene pivyowandeya na Mulungu.”—Mateyu 19:26.

• Mulungu unofunechecha kwakwaneli-eda lonjezo lae. Mwaisazo, Yehova unolakalaka za venyi-a athu anayo katatiile.—Yobu 14:14, 15.

  Baibulo linotonyi-eda teto ira mwana wa Mulungu, Yesu, ooili-a obulela. Chifukwa n’ni apangile vyevi? Chifukwa oofunechecha akami-a. (Maliko 1:40, 41) Yesu oosazi-eda babae vakhani yofunechecha kami-a athu anayo kavuteya.—Yohani 14:9.

  Eno kaninakaikela ira Yehova na Yesu mbofunechecha nikami-a ira nize nikale osangalala usogolo!—Salimo 72:12-14; 145:16; 2 Petulo 3:9.