Yehoyada Ali Olimba Murima

Yezebeli ookaana mwana wamu-iyana zina lae Ataliya. Mwanola ali otakala ngati m’mae. Ataliya ooteliwa na mwene ya Yuda. Mamunae angakhwile mwanae wamulombwana ookala mwene. Eno mwanaeyo angakhwile teto, Ataliya oowambeela lamulela. Liye ooyesaesa pha athu etene a m’banja laimwene anayo kali ofwanelela za landa umweneyo. Oopha ngakale vizuulu vyae moi athu etene koomuova vinjinji.

Ndimuwa wa Asembe Yehoyada na iyanae Yehoseba kooiziwa ira vyevyo Ataliya apanga liyevi vyali vyotakala. Eno koomulanda Yehoasi, unoyo ali izuulu ya Ataliya, dowa musunga mukachisi. Koopanga vyevi ngakale ira kooiziwa vyoi Ataliya aiziwa unokoza apha.

Yehoasi angakwakwani-ile chaka 7, Yehoyada ooitani-a asogoleli a magulu asilikali na Alevi nowawandela ira: ‘Muimele valango wa kachisi teto muonecheche ira uliwetene kavolowe muno.’ Eno Yehoyada oomu-ela Yehoasi kala mwene ya Yuda nomuwari-a chapowa yau- mwene. Vanduli viwa Ayuda kookuwa ira: ‘Mwene ikale na moyo olapa.’

Ataliya angavwile pokoso la athu, ootamangela wu kachisi. Angaonile mwene isheyo ookuwa ira: ‘Mundipangela iwembu! Mundipangela iwembu!’ Vyangaireile eno asogoleli aasilikalale koomu-inda nomukumi-ela vande dowa mupha. Koma Ataliya ali angaa-olochile vinjinji Ayuda.

Kodi Yehoyada apangile avi? Oowakami-a Ayuda ira kapange pangano na Yehova moi koolonjeza ira kanerenga mulambela liye eka. Oowawandela teto ira kagwi-e kachisi wa Baala noononga mafano etene. Enjedela vevo oosakula Asembe na Alevi oyi katumikelenga va kachisi ira athu kaambeele teto mulambela Yehova. Koma teto koo-ela alonda oyi kakalenga va geti na yolinga yoi kaonechechenga ira uliwetene otakali-iwa kavolowe. Eno Yehoyada na asogoleli a magulu aasilikalale koomutukula Yehoasi nomudowana unyumba yaimwene moi koomugarati-a vapando. Ayuda koosangalala vinjinji. Va sopano aluwa kookoza lambelanga Yehova pama pama, vookala opopi-iwa na Ataliya kapena sokoneziwa na athu olambela Baala. Limba murima wa Yehoyada ookami-a athu anjinji.