Dowananive Ira Vyongo Mogwilizana na Pingo

Nakala na Akiristu afwi-u ninovivwa monga Mwene Davide unoyo aongile ira: “Pivyapama koma teto vyosangalasa vinjinji abali kakala vamo-i mogwilizana.” (Salimo 133:1) Komave gwilizanawu kunakeda za mwaekiwa. Iyo etene ninafuneela ira tindi ira nidowenave gwilizana na abali-u.

1. Kodi athu a Mulungu kanaira vyongo vyiivi vyevyo vinauiri-ani chidwi?

Mwadowa uilambo imo-iwa nofwanyeya vamisonkano, abali na arongola kanouwachelani na manda men’li, kanoutonyi-edani chikondi koma teto munokala omasuwa ngakale ira kamunavwa iwongelo iwa. Vili eeno chifukwa yoi vyongo vyevyo nina-indi-edela iyo chito vofunjeda Baibulo pivyofwanafwana uliwetene. Wenjedela vevo ninoesaesa tonyi-edana chikondi. Kaya ninakala waani, iyo etene ‘ninoitanela zina la Yehova nomutumikela mogwilizana.’ — Zefaniya 3:9.

2. Kodi munaire avi ira mupingo mukaleve m’gwilizano?

Baibulo linaonga ira: “Omeliwanani vinjinji kumela m’murimani.” (1 Petulo 1:22) Kodi nyo muna-indi-ede avi chito malangizwala? M’malo mokedanga ona vyongo vyevyo athu amo-iwa kanachimwi-aathu, muganizelenga vinjinji makaleluwa apama. Kamukedenga waleda na athu okaanayo kanaomeliwana vyongo vyevyo munaomeliwana nyo. M’malo mwiwa muesaesenga iziwana na abali na arongola o-iyana-iyana. Akala nin’na murima wasakulo ninafuneela esaesa umali-a. — Welengani 1 Petulo 2:17.a

3. Kodi munafuneela ira n’ni mwa-iyana maganizo na Mkiristu fwinyu?

Ngakale ira nili athu ogwilizana nino-iyananga maganizo kapena kumudwi-ana chifukwa yoi nili athu ochimwa. Eeno mawu a Mulungu kanoniwandela ira: “Dowananive . . . kurumuwelana na murima wetene, . . . monga Yehova mwaukurumuweleni liye na murima wetene, nanyene teto irani vyevyo.” (Welengani Akolose 3:13.) Iyo athu ninokumudwi-a Yehova mundila ndinjinji, komave liye unonikurumuwela. Eeno liye unafuna ira na-iyene nikurumuwelenga abali na arongoli-u. Mwazindikila ira mukumudwi-a m’mo-iwene muesaesenga tapanya na fwinyuyo na yolinga yoi mumali-e oovwananawo. — Welengani Mateyu 5:23, 24.b

FUNJEDANI VYOWENJEDELEYA

4. Esaesani mali-a murima wa sakulo

Iyo etene ninofuna omeliwana abali na arongoli-u etene. Komave vinokoza niruchanga gwilizana na muthu unoyo unaoneya ira ngo-iyana na iyo. Ndiye chin’ni inanikami-e? Welengani Vyoira 10:34, 35, era eeno tapanyani vyofuka vyo-arelavi:

• Yehova unowachela athu amitundu detene ira kakale Mboni daye. Ndiye kodi munalandele avi isazo ya Yehova vakhani ya mwemo munaonela nyo athu anayo kali o-iyana na nyo?

• Kodi munafuna ira mupewe vyongo vyiivi vyevyo athu anjinji mudela linyu kanairaathu votonyi-eda sakulo?

Welengani 2 Akorinto 6:11-13, era eeno tapanyani yofuka yo-arelela:

• Kodi munaganiza ira munafuneela panga n’ni ira muomeliwengana vinjinji abali na arongola anayo muna-iyananyo vyongo vimo-i?

5. Mukurumuwelenga namurima wetene koma teto muesaesenga garati-a murendele

Yehova unonikurumuwela na murima wetene ngakale ira liye kananichimwela. Welengani Salimo 86:5, era eeno tapanyani vyofuka vyo-arelavi:

• Kodi vesili linanifunji-a n’ni vyokuza Yehova vakhani yokurumuwela?

• Kodi munomuyamikela Yehova chifukwa yoi unonikurumuwela? Chifukwa n’ni munaonga eeno?

• Kodi pivyongo vyiivi vyevyo vinanilepeli-e kala mwa murendele na afwi-u?

Kodi ninasazi-ede avi Yehova vakhani yokurumuwela noirangave vyongo mogwilizana na abali na arongoli-u? Welengani Miyambo 19:11, era eeno tapanyani yofuka yo-arelela:

• Muthu m’mo-iwa aukumudwi-ani kapena uputani, kodi munafuneela panga n’ni ira mukaleve vamurendele na liye?

Thawi dimo-i na-iyene ninokumudwi-a amo-iwa. Ndiye niirenga n’ni vyevi vyaireya? Onelani VIDIYO, era eeno tapanyani yofuka yo-arelela.

VIDIYO: Garati-a Murendele Unozi-a Madaliso (6:01)

• Kodi murongola wa muvidiywela airile n’ni ira agarati-e murendele?

6. Muonenga vyapama mwa abali na arongolinyu

Naambeela iziwana pama na abali na arongoli-u, pavevo ninaambeela iyo ona makaleluwa apama koma teto vyevyo kanachimwi-aathu. Ndiye ninaire avi ira niganizelenga vinjinji makaleluwa apama? Onelani VIDIYO, era eeno tapanyani yofuka yo-arelela.

VIDIYO: Muonenga Vyongo Mofwaneelela! (5:10)

• Kodi chin’ni inaukami-eni ira muonenga vyapama mwa abali na arongolinyu?

Yehova unaona vinjinji makalelwi-u apama. Welengani 2 Limbili 16:9a, era eeno tapanyani yofuka yo-arelela:

• Kodi munavwa avi mwaiziwa ira Yehova unaona vinjinji makalelo apama anayo mun’na nyo?

VYEVYO NIFUNJEDILE IYO

Munokoza kami-a pingo ira udowenave panga vyongo mogwilizana mwakurumuwelanga koma teto mwaesaesanga omeliwana abali na arongolinyu etene.

Vyofuka Vyoweli-eda

• Kodi munamali-e avi murima wa sakulo?

• Mwa-iyana maganizo na Mkiristu fwinyu munafueela panga n’ni?

• Kodi munofuna sazi-eda Yehova vakhani yokurumuwela amo-iwa? Chifuwa n’ni munaonga eeno?

ONANI VIMO-I

Onani mwemo fanizo limo-iwa lelo Yesu aongile liye linanikami-edeleathu ira nipewenga weluza athu amo-iwa.

Chotsa Mtanda wa Denga M’diso Lako (6:56)

Kodi ninafuneela pepesa ngakale vevo ninaona iyo ira kanilakwi-ile yongo iliyetene?

“Kupepesa — Njira Yothandiza Yopezera Mtendere” (Nsanja ya Olonda, November 1, 2002)

Onani mwemo athu amo-iwa kafunjedeleathu panga vyongo moosakula mtundu wa athu.

Zimene Ndinaphunzira mu Nsanja ya Olonda - Musamaweruze Ena Potengera M’mene Akuonekera (5:06)

Onani mwemo munamali-ele nyo oovwanana akala mu-iyanile maganizo na muthu m’mo-iwa ira kamusokoneze murendele wa mupingo.

“Kodi Mumathetsa Nkhani Mwachikondi Mukasemphana Maganizo?” (Nsanja ya Olonda, May 2016)