Sanja ya Namaing'anela LAIBULALE YA VA INTERNETI
Sanja ya Namaing'anela
LAIBULALE YA VA INTERNETI
Kokola
  • BAIBULO
  • MABUKU
  • MIGUMANO
  • Kodi Yesu Mbaani?
    Sangalalani na Moyo Mpakana Walewale!—Funjeda Baibulo Mundila Yotapanya | Buku Lofunjedela Baibulo
    • 1. Kodi Yesu mbaani?

      Yesu ngu m’ngelo wakopolo unoyo unakala udimu. Yehova Mulungu amulengile Yesu aanalenge yongo iliyetene. Eeno, liye unoiziweya ira “woambeela baluwa wa vyolengiwa vyetene.” (Akolose 1:15) Baibulo linawonga ira Yesu ngu “mwana wobaluwa eka” chifukwa ngokaaunoyo alengiwe na Yehova mwin’nya. (Yohani 3:16) Yesu oo-inda chito limo-i na Babaye Yehova, vomukami-eda lenga vyongo vimo-i na vimo-i. (Welengani Miyambo 8:30.) Yesu uno-indave chito limo-i na Yehova mosangalala. Liye unotumikela mororomeleya, monga woonga m’malo mwa Mulungu. Teto unoiriwa “Mawu,” tapulela ira unofii-a mauthenga na malangizo okumela wa Mulungu. — Yohani 1:14.

  • Kodi Khwa wa Yesu Unanivulumuche Avi?
    Sangalalani na Moyo Mpakana Walewale!—Funjeda Baibulo Mundila Yotapanya | Buku Lofunjedela Baibulo
    • Muru 27. Thuthu la Yesu kalititi-anga vatengoni.

      MURU 27

      Kodi Khwa wa Yesu Unanivulumuche Avi?

      Iyo athu ninochimwa, zuzuma koma teto khwa chifukwa yoi Adamu na Hava, katavwele Mulungu.a Komave Yehova ookoza ndila yonivulumuchela wu uchimo no khwa. Liye ooira vyevi vomuruma mwanaye Yesu Kiristu. Baibulo linofunji-a ira khwa wa Yesu wali ngati dipo loniombola. Dipo pivyolivela vyevyo vinapelekiwa ira muthu amasuliwe. Eeno mutengo unoyo Yesu apelekile liye wali moywaye wangwilo. (Welengani Mateyu 20:28.) Voi Yesu ali wangwilo, ookaana ufulu wokaana moyo o-omala vailambwela, komave liye oololela peleka moywaye vyevyo vyakami-ile ira iyo athu nize nifwanye vyetene vyevyo Adamu na Hava vyalusileathu. Yesu ootonyi-eda mwemo Yehova koma teto liye munaniomeliwanaathu. Murula unoukami-edani ira muyamikelenga vinjinji vyevyo Yesu airile liye vonikhwela.

      1. Kodi Khwa wa Yesu unanikami-e avi malambwano?

      Voi iyo nili ochimwa, ninoira vyongo vinjinji vyevyo vinamukumudwi-a Yehova. Komave, akala ninavwa chisoni na machimo anayo niirile iyo nomuvepa Yehova zela mwa Yesu Kiristu ira anikurumuwele koma teto naesaesenga ira kaniwelele machimwayo, ninowanda kala va usamwali wapama na Yehova. (1 Yohani 2:1) Baibulo linaonga ira: “Kiristu ookhwela machimo ndila imo-i ba-i, muthu wolungamoyo, ookhwela athu o-olungama ira aafii-e wa Mulungu.” — 1 Petulo 3:18.

      2. Kodi khwa wa Yesu unaza unikami-a avi musogolo?

      Yehova oomuruma Yesu ira aze apeleke moywaye wolungama “ira uliwetene wororomela [Yesu] kaonongeye koma akaena moyo wo-omala.” (Yohani 3:16) Chifukwa ya vyairile Yesuvi, chinene veva Yehova unoza amali-e vyotakala vyetene vyevyo vyaambeele chifukwa yo-ovwela wa Adamu. Vi vinatapulela ira naroromelanga sembe ya Yesu, ninoza nisangalale na moyo wo-omala muparadaizo vailambo yavatila! — Yesaya 65:21-23.

      FUNJEDANI VYOWENJEDELEYA

      Saelani ira muiziwe vinjinji vyokuza chifukwa iwa Yesu apelekile moywaye, koma teto mwemo khwa waye unaukami-edeleniathu.

      3. Khwa wa Yesu oonimasula wu uchimo nokhwa

      Onelani VIDIYO, era eeno tapanyani yofuka yo-arelela.

      VIDIYO: Chifukwa N’ni Yesu Akhwile? — Mbali Yowambeela (2:01)

      • Kodi Adamu alusile mwai woi avi chifukwa yo-ovwela Mulungu?

      Welengani Aroma 5:12, era eeno tapanyani yofuka yo-arelela:

      • Kodi nyo munagumanana vyongo vyiivi chifukwa yoi Adamu oochimwa?

      Welengani Yohani 3:16, era eeno tapanyani yofuka yo-arelela:

      • Chifukwa n’ni Yehova amurumile Mwanaye vailambo yavatila?

      A. Vithuzithuzi: 1. Vanduli voi Adamu umuchimwela Mulungu. 2. Bogosi langatukuliwe valifudi. Vithuzithuzi: A. Vanduli voi Adamu umuchimwela Mulungu. B. Yesu Kiristu. B. Vithuzithuzi: 1. Yesu Kiristu. 2. Athu a muthawi, chaka, mapuzilo, vilambo na vikaleelo vyo-iyana-iyana.
      1. Adamu ali muthu wangwilo unoyo kavwele Mulungu. Chifukwa yoi oochimwa athu etene kanochimwa koma teto kanokhwa

      2. Yesu ali muthu wangwilo unoyo avwele Mulungu. Chifukwa ya vyairile liyevi athu etene kanoza kakale angwilo teto katinaza kakhwanga

      4. Khwa wa Yesu unokoza kami-eda athu etene

      Onelani VIDIYO, era eeno tapanyani yofuka yo-arelela.

      VIDIYO: Chifukwa N’ni Yesu Akhwile? — Mbali Yanambili (2:00)

      • Kodi khwa wa muthu m’mo-i unakami-e avi athu etene?

      Welengani 1 Timoteyu 2:5, 6, era eeno tapanyani yofuka yo-arelela:

      • Adamu ali muthu wangwilo koma chifukwa yoi oochimwa, athu etene kanochimwa koma teto kanokhwa. Yesu naliyene ali muthu wangwilo. Ndiye vinaandeye avi ira apeleke “dipo lokwakwanela ndendende”?

      5. Dipo chimphaso ineyo Yehova uuva-ileni liye

      Uliwetene unoyo uli vausamwali na Yehova unoona ira dipo chimphaso ineyo Mulungu amukozele liye, liye vaeka. Mofwanafwani-a, welengani Agalatiya 2:20, era eeno tapanyani yofuka yo-arelela:

      • Kodi namarumiwa Paulo atonyi-edile avi ira dipo lali mphaso ineyo Mulungu amukozele liye, liye vaeka?

      Adamu angachimwile, liye na a-imaye etene kali ofwaneleela khwa. Koma Yehova oomuruma Mwanaye ira aze anikhwele na yolinga yoi nyo muze mukaena moyo mpakana walewale.

      Mwawelenganga mavesi o-arelala, ganizelani mwemo Yehova mwavwele liye vevo aona liye Mwanaye azuzumanga. Welengani Yohani 19:1-7, 16-18, era eeno tapanyani yofuka yo-arelela:

      • Kodi munavwa avi mwaganizela vyevyo Yehova na Yesu vyauireleniathu?

      KODI MUTHU M’MO-IWA ANGAUFUKILENI IRA: “Kodi vinaandeye avi ira muthu m’mo-i akhwele athu etene?”

      • Munamusomede avi?

      VYEVYO NIFUNJEDILE IYO

      Chifukwa yoi Yesu oonikwela, Yehova unonikurumuwela machimwi-u koma teto nikaana mwai woza kaana moyo mpakana walewale.

      Vyofuka Vyoweli-eda

      • Chifukwa n’ni Yesu akhwile?

      • Kodi moyo wa Yesu wangwilo wakalile avi dipo lokwakwanela ndendende?

      • Nanga khwa wa Yesu unaukami-edani avi?

      Yolinga

      ONAI VIMO-I

      Onani chifukwa iwa ninaonga ira moyo wangwilo wa Yesu chi dipo loniwombola.

      “Kodi Nsembe ya Yesu Imawombola Bwanji ‘Anthu Ambiri’?” (Khani yavawebusaiti)

      Iziwani vyevyo munaire nyo ira muvulumuchiwe wu uchimo no khwa.

      “Kodi Yesu Amatipulumutsa Bwanji?” (Khani yavawebusaiti)

      Kodi Yehova unokoza mukurumuwela muthu unoyo airile machimo alukulu?

      “Kuyankha Mafunso a M’Baibulo” (Nsanja ya Olonda, May 1, 2013)

      Onani mwemo funjeda vyokuza sembe ya Kiristu wakami-ileathu muthu m’mo-iwa chenja makalelwae.

      “Si Inenso Kapolo wa Chiwawa” (Khani yavawebusaiti)

      a Uchimo kunakeda tapulela irana yongo imo-iwene yolakweya. Koma unotapulela teto ira nilapelana na Mulungu chifukwa yoi nili a-ima a Adamu.

  • Muyamikelenga Vyevyo Yehova na Yesu Kauireleniathu
    Sangalalani na Moyo Mpakana Walewale!—Funjeda Baibulo Mundila Yotapanya | Buku Lofunjedela Baibulo
    • 1. Kodi ninatonyi-ede avi ira ninoyamikela vyevyo Mulungu na Kiristu kaniireleathu?

      Baibulo linawonga ira “Uliwetene wororomela [Yesu]” unokoza kaana moyo mpakana walewale. (Yohani 3:16) Kodi ninaire avi vyevi? Ninotonyi-eda ira ninororomela Yesu muvyosakula vi-u na vyoira vi-u. (Yakobo 2:17) Ira vyevi unonikami-a kala vausamwali olimba na Yesu koma teto Babaye Yehova. — Welengani Yohani 17:21.

Kokola Publications (2013-2025)
Kumani
Volowani
  • Kokola
  • Va-ani amo-i
  • Vyosakula
  • Copyright © 2025 Watch Tower Bible and Tract Society of Pennsylvania
  • Vyevyo Vinafunanyo Arela
  • Malamulo Osunga Chisisi
  • Privacy Settings
  • JW.ORG
  • Volowani
Va-ani amo-i