Chifukwa N’ni Athu Kanazuzuma?

Vyongo vyotakala vyaireya athu kanovifuka ira, “Chifukwa n’ni vyevi viireile?” Pivyosangalasa ira Baibulo linosomeda yofuka inela!

1. Kodi Satana airile n’ni ira vyotakala viambeele ireya vailambwela?

Satana Mdyelekezi oopanduwela Mulungu. Satana afuna ira alamulelenga amo-iwa, eeno oopusi-a athu owambeela Adamu na Hava ira naaluwene kapanduwele Mulungu. Satana airile vyevi vomuwandela Hava vyongo vyonama. (Genesesi 3:1-5) Ooiri-a ira Hava aganizenga ira Yehova unomuimana vyongo vimo-iviwavyene vyapama. Liye atapulela ira athu kanokoza kalanga osangalala ngakale ka-avwelanga Mulungu. Satana owonga yonama yowambeela vomuwandela Hava ira kanaza akhwa. Chichifukwa iwa, Baibulo linaromola Satana ira “ngonama koma teto babaye wa yonama.” — Yohani 8:44.

2. Kodi Adamu na Hava kasakulile ira n’ni?

Yehova oova-a Adamu na Hava iliyetene ineyo kafuneelaathu. Liye ooawandela ira kanokoza djanga vipaso vyatengo uliwetene wam’munda wa Edeni iyavo umo-i woka. (Genesesi 2:15-17) Koma Adamu na Hava, koosakula dja ipaso yatengo unoyo kakoondi-iweathu. Hava “oocha ipaso yatengoyo nodja.” Vanduli viwa, Adamu “naliyene oodja.” (Genesis 3:6) Etene katavwele Mulungu. Voi Adamu na Hava kali angwilo, vyali vyo-orucha ira kasakule irana vyapama. Koma aluwa kasakulile oovwela Mulungu. Kangairile vyevi koochimwa teto kookoonda ira Mulungu aalamulelenga. Vyairileathuvi vyoowazeli-eda mavuto alukulu. — Genesesi 3:16-19.

3. Kodi vyevyo Adamu na Hava kasakulileathu vyanikuzile avi?

Adamu na Hava kangachimwile, koowavali-a a-imiwa etene uchimoyo. Voonga vya Adamu, Baibulo lini: “Uchimo oovolowa muilambo zela mwa muthu m’mo-i, nokhwa zela mouchimo khwawo fala wa athu etene.” — Aroma 5:12.

Iyo athu ninozuzuma vavifukwa vyo-iyana-iyana. Thawi dimo-i ninozuzuma chifukwa yoi kanisakulile vyongo mwazelu. Thawi dimo-i ninozuzuma teto chifukwa yoi athu amo-iwa koosakula vyongo molakweya. Koma thawi dimo-i ninozuzuma chifukwa yoi ninogumanana vyongo vyooembekezeleya. — Welengani Namalaleya 9:11.

FUNJEDANI VYOWENJEDELEYA

4. Kodi mbaani unairi-a ira nizuzumenga?

Athu anjinji konaroromela ira Mulungu ngunoyo unalamulela ilambwela. Kodi vyevi pivyoona? Onelani VIDIYO.

VIDIYO: Mbaani Unalamulela Ilambwela? (1:24)

Welengani Yakobo 1:13 na 1 Yohani 5:19, era eeno tapanyani yofuka yo-arelela:

• Kodi Mulungu ngunoyo unairi-a ira nizuzumenga?

5. Kodi vyongo vinaenda avi kumela vevo Satana aambeele liye lamulela?

VIDIYO: Chifukwa N’ni Mulungu Unalola Ira Athu Kazuzumenga? — Mbali Yoyeva (3:07)

Welengani Genesesi 3:1-6, era eeno tapanyani vyofuka vyo-arelavi:

• Kodi chiyonama iivi ineyo Satana awongile liye? — Onani vesi 4 na 5.

• Kodi Satana airi-ile avi athu ganiza ira Yehova unowaimana vyongo vyapama?

• Kodi vyevyo Satana awongile liye vyatonyi-edile avi yonama yoi athu kanokoza sangalalangave ngakale kaalamuleliwanga na Yehova?

Welengani Namalaleya 8:9, era eeno tapanyani yofuka yo-arelela:

• Kumela vevo Yehova a-iile liye lamulela athu, kodi vyongo vinaenda avi muilambwela?

1. Adamu na Hava kali angwilo moi kakala m’Paradaizo. Koma aluwa koosakula vwela Satana nom’panduwela Yehova

2. Adamu na Hava kangam’panduwele Mulungu, athu etene kookala ochimwa moi koowambeela zuzuma koma teto khwa

3. Yehova unoza amali-e uchimo, zuzuma, koma teto khwa. Vyevi vyaireya athu kanoza kakale angwilo m’Paradaizo vailambo yavatila

6. Iyo athu nazuzumanga Yehova vinomukuza vinjinji

Kodi Mulungu vinomukuza iyo athu nazuzumanga? Tiyemoni nione vyevyo Mwene Davide koma teto namarumiwa Petulo kalembileathu. Welengani Salimo 31:7 na 1 Petulo 5:7, era eeno tapanyani yofuka yo-arelela:

• Kodi munavwa avi mwaganizela ira Yehova unoona mavuto anayo ninagumanana iyo teto unonisamalela?

VYEVYO NIFUNJEDILE IYO

Satana Mdyelekezi koma teto Adamu na Hava mbanayo kaambeeli-ile mavuto etene anayo ninagumanana iyo muilambwela. Komave Yehova unokuziwa vinjinji nazuzumanga moi chinene veva unoza amali-e mavuto etene.

Vyofuka Vyoweli-eda

• Kodi chiyonama iivi ineyo Satana Mdyelekezi amuwandelile liye Hava?

• Kodi oovwela wa Adamu na Hava unanikuza avi iyo etene?

• Kodi ninaiziwa avi ira Yehova unonikumbanyela nagumanangana mavuto?

ONANI VIMO-I

Onani vyevyo mawu oyi chimo kanatapulelaathu m’Baibulo.

“Kodi Tchimo N’chiyani?” (Khani yavawebusaiti)

Welengani ira muiziwe vyokuza kani ineyo Satana Mdyelekezi aambeeli-ide liye m’munda wa Edeni.

“N’chifukwa Chiyani Mulungu Amalola Kuti Anthufe Tizivutika?” (Nsanja ya Olonda, January 1, 2014)

Saelani vyosomeda vyomiyali-a vya yofuka yorucha vinjinji.

“N’chifukwa Chiyani Mulungu Analola Kuti Anthu Ambirimbiri Aphedwe mu Ulamuliro wa Nazi ku Germany?” (Khani yavawebusaiti)

Onani mwemo Baibulo lakami-edileathu muthu unoyo agumanilena mavuto vamoywaye.

Sindilinso Ndekha (5:09)

Iyo athu ninochimwa, zuzuma koma teto khwa chifukwa yoi Adamu na Hava, katavwele Mulungu.a Komave Yehova ookoza ndila yonivulumuchela wu uchimo no khwa. Liye ooira vyevi vomuruma mwanaye Yesu Kiristu. Baibulo linofunji-a ira khwa wa Yesu wali ngati dipo loniombola. Dipo pivyolivela vyevyo vinapelekiwa ira muthu amasuliwe. Eeno mutengo unoyo Yesu apelekile liye wali moywaye wangwilo. (Welengani Mateyu 20:28.) Voi Yesu ali wangwilo, ookaana ufulu wokaana moyo o-omala vailambwela, komave liye oololela peleka moywaye vyevyo vyakami-ile ira iyo athu nize nifwanye vyetene vyevyo Adamu na Hava vyalusileathu. Yesu ootonyi-eda mwemo Yehova koma teto liye munaniomeliwanaathu. Murula unoukami-edani ira muyamikelenga vinjinji vyevyo Yesu airile liye vonikhwela.

1. Kodi Khwa wa Yesu unanikami-e avi malambwano?

Voi iyo nili ochimwa, ninoira vyongo vinjinji vyevyo vinamukumudwi-a Yehova. Komave, akala ninavwa chisoni na machimo anayo niirile iyo nomuvepa Yehova zela mwa Yesu Kiristu ira anikurumuwele koma teto naesaesenga ira kaniwelele machimwayo, ninowanda kala va usamwali wapama na Yehova. (1 Yohani 2:1) Baibulo linaonga ira: “Kiristu ookhwela machimo ndila imo-i ba-i, muthu wolungamoyo, ookhwela athu o-olungama ira aafii-e wa Mulungu.” — 1 Petulo 3:18.

2. Kodi khwa wa Yesu unaza unikami-a avi musogolo?

Yehova oomuruma Yesu ira aze apeleke moywaye wolungama “ira uliwetene wororomela [Yesu] kaonongeye koma akaena moyo wo-omala.” (Yohani 3:16) Chifukwa ya vyairile Yesuvi, chinene veva Yehova unoza amali-e vyotakala vyetene vyevyo vyaambeele chifukwa yo-ovwela wa Adamu. Vi vinatapulela ira naroromelanga sembe ya Yesu, ninoza nisangalale na moyo wo-omala muparadaizo vailambo yavatila! — Yesaya 65:21-23.

FUNJEDANI VYOWENJEDELEYA

3. Khwa wa Yesu oonimasula wu uchimo nokhwa

VIDIYO: Chifukwa N’ni Yesu Akhwile? — Mbali Yowambeela (2:01)

• Kodi Adamu alusile mwai woi avi chifukwa yo-ovwela Mulungu?

Welengani Aroma 5:12, era eeno tapanyani yofuka yo-arelela:

• Kodi nyo munagumanana vyongo vyiivi chifukwa yoi Adamu oochimwa?

Welengani Yohani 3:16, era eeno tapanyani yofuka yo-arelela:

• Chifukwa n’ni Yehova amurumile Mwanaye vailambo yavatila?

1. Adamu ali muthu wangwilo unoyo kavwele Mulungu. Chifukwa yoi oochimwa athu etene kanochimwa koma teto kanokhwa

2. Yesu ali muthu wangwilo unoyo avwele Mulungu. Chifukwa ya vyairile liyevi athu etene kanoza kakale angwilo teto katinaza kakhwanga

4. Khwa wa Yesu unokoza kami-eda athu etene

VIDIYO: Chifukwa N’ni Yesu Akhwile? — Mbali Yanambili (2:00)

• Kodi khwa wa muthu m’mo-i unakami-e avi athu etene?

Welengani 1 Timoteyu 2:5, 6, era eeno tapanyani yofuka yo-arelela:

• Adamu ali muthu wangwilo koma chifukwa yoi oochimwa, athu etene kanochimwa koma teto kanokhwa. Yesu naliyene ali muthu wangwilo. Ndiye vinaandeye avi ira apeleke “dipo lokwakwanela ndendende”?

5. Dipo chimphaso ineyo Yehova uuva-ileni liye

Uliwetene unoyo uli vausamwali na Yehova unoona ira dipo chimphaso ineyo Mulungu amukozele liye, liye vaeka. Mofwanafwani-a, welengani Agalatiya 2:20, era eeno tapanyani yofuka yo-arelela:

• Kodi namarumiwa Paulo atonyi-edile avi ira dipo lali mphaso ineyo Mulungu amukozele liye, liye vaeka?

Adamu angachimwile, liye na a-imaye etene kali ofwaneleela khwa. Koma Yehova oomuruma Mwanaye ira aze anikhwele na yolinga yoi nyo muze mukaena moyo mpakana walewale.

Mwawelenganga mavesi o-arelala, ganizelani mwemo Yehova mwavwele liye vevo aona liye Mwanaye azuzumanga. Welengani Yohani 19:1-7, 16-18, era eeno tapanyani yofuka yo-arelela:

• Kodi munavwa avi mwaganizela vyevyo Yehova na Yesu vyauireleniathu?

VYEVYO NIFUNJEDILE IYO

Chifukwa yoi Yesu oonikwela, Yehova unonikurumuwela machimwi-u koma teto nikaana mwai woza kaana moyo mpakana walewale.

Vyofuka Vyoweli-eda

• Chifukwa n’ni Yesu akhwile?

• Kodi moyo wa Yesu wangwilo wakalile avi dipo lokwakwanela ndendende?

• Nanga khwa wa Yesu unaukami-edani avi?

ONAI VIMO-I

Onani chifukwa iwa ninaonga ira moyo wangwilo wa Yesu chi dipo loniwombola.

“Kodi Nsembe ya Yesu Imawombola Bwanji ‘Anthu Ambiri’?” (Khani yavawebusaiti)

Iziwani vyevyo munaire nyo ira muvulumuchiwe wu uchimo no khwa.

“Kodi Yesu Amatipulumutsa Bwanji?” (Khani yavawebusaiti)

Kodi Yehova unokoza mukurumuwela muthu unoyo airile machimo alukulu?

“Kuyankha Mafunso a M’Baibulo” (Nsanja ya Olonda, May 1, 2013)

Onani mwemo funjeda vyokuza sembe ya Kiristu wakami-ileathu muthu m’mo-iwa chenja makalelwae.

“Si Inenso Kapolo wa Chiwawa” (Khani yavawebusaiti)