1. Kodi vyevyo vipembezo vinafunji-aathu vinairi-a avi athu roromela vyonama vyokunza Mulungu?

Vipembezo vyonama viikala ‘vichenjani-anga imbarimbari ya Mulungu nonama.’ (Aroma 1:25) Mofwanafwani-a, vipembezo vinjinji kavinafunji-a athu zina la Mulungu. (Aroma 10:13, 14) Koma Baibulo, linafunji-a ira ninafuneela indi-edela chito zina la Mulungu. Asogoleli amo-iwa avipembezo kanawonga ira yongo yotakala yaireya, inakala ira chofuna ya Mulungu. Koma vyevi pivyonama. Kai Mulungu unoyo unairi-a vyongo vyotakala. (Welengani Yakobo 1:13.) Yovwi-a chisoni, choi vyonama vyevyo vipembezovi vinafunji-aathu vinopangi-a ira athu katiwomeluwengana Mulungu.

Chinene veva, Yehova unoza a-indi-ede chito Umwenaye vomali-a mavuto etene anayo ninagumanana iyo. Unola ngu uthenga wapama vinjinji unoyo muthu uliwetene unafuneela liye uvwa. Yesu afuna ira o-arelaye kalaleelenga uthenga unola wa muthu uliwetene! (Mateyu 28:19, 20) Kodi a Mboni da Yehova kanaira n’ni vovwela lamulo la Yesuli?

1. Kodi lemba la Mateyu 24:14 linakwakwaneli-ediwa avi malambwano?

Yesu awongile ira: “Uthenga wapama wa Umwenola, unoza ulaleeliwe vailambo yetene yavati wewo uli athu.” (Mateyu 24:14) A Mboni da Yehova kanosangalala vo-inda chito yofuneya vinjinjila. Ninolaleela uthenga wapama vailambo yetene muviongelo vyokwaranya 1000! Chito inela chiilukulu vinjinji moi ninafuneela i-inda mwatindi koma teto mwadongosolo. Komave kaninakwakwani-e i-inda vaeki-u mookami-iwa na Yehova.

2. Kodi ninaira avi ira nilaleele athu?

Ninolaleela uliwetene wewo ninafwanye iyo athu. Mofwanafwana na Akiristu a muthawi ya anamarumiwa, ninolaleela “nyumba na nyumba.” (Vyoira 5:42) Ndila inela inonikami-a ira nilaleelenga athu mamiliyoni anjinji chaka iliyetene. Voi thawi dimo-i athu amo-iwa katinafwanyeya vande, ninolaleela teto vamalo anayo kanafwanyeya athu anjinji. Ninoesaesa indi-eda chito mwai uliwetene ira niwandele amo-iwa vyokuza Yehova koma teto vyevyo unafuna liye.

3. Mbaani un’na udindo olaleela Uthenga wapama?

M’kiristu waimbarimbari uliwetene, ukaana udindo olaleela uthenga wapama. Moi ninoona ira udindo unola ngofuneya vinjinji. Ninolaleela mulimwetene mwemo ninawandele iyo chifukwa ninoiziwa ira mimoyo da athu dili vangozi. (Welengani 1 Timoteyu 4:16.) Na-indanga chito inela kan’naliveliwa chifukwa Baibulo linawonga ira: “Mwawachelile waserele, va-ani waserele.” (Mateyu 10:7, 8) Ngakale ira athu amo-iwa kanokoonda uthengi-u, kanina-iya laleela chifukwa inda chito inela chimbali yolambela wi-u moi inomuomeli-a Yehova.

FUNJEDANI VYOWENJEDELEYA

4. Ninoira tindi ira nilaleele athu a mitundu detene

VIDIYO: Laleela “Fieda Umagomelo a Ilambo Yavati” (7:33)

• Chin’ni inauiri-ani chidwi mwaganizela tindi lelo a Mboni da Yehova kanairaathu ira kalaleele athu?

Welengani Mateyu 22:39 na Aroma 10:13-15, era eeno tapanyani vyofuka vyo-arelavi:

• Kodi chitwi-u yolaleela inatonyi-eda avi ira ninowaomeliwana athu?

• Kodi Yehova unaaona avi athu anayo kanalaleela uthenga wapama? — Onani vesi 15.

5. Nili achito afwaye a Mulungu

Vyevyo vinaireya na-indanga chito yolaleela, ngu umboni woi Yehova unosogolela chitwi-u. Kaganizelani vyevyo vyamuireele m’bali m’mo-iwa wawu Nova Zelândia zina laye Paul. Dambo limo-iwa alaleelanga nyumba na nyumba chigawo ya umazulo oogumanana mu-iyana m’mo-iwa. Mamawa wa dambo leli, mu-iyanole ali angapepelile wa Mulungu vo-indi-eda chito zina la Mulnugu loi Yehova moi oomuvepa ira amutumizele muthu oyi aze amulaleele. Eeno m’bali Paul awongile ira: “Vangavirile maola 3, ndoofiya vanyumba ya mu-iyanole.”

Welengani 1 Akorinto 3:9 era eeno tapanyani yofuka yo-arelela:

• Kodi isazo ya wu Nova Zelândia inatonyi-eda avi ira Yehova ngunoyo unasogolela chito yolaleela?

Welengani Vyoira 1:8, era eeno tapanyani yofuka yo-arelela:

• Chifukwa n’ni ninafuneela kami-iwa na Yehova ira ni-indenga pama chitwi-u yolaleela?

Nanga munoiziwa?

Vamulungu uliwetene vamisonkano damuwari mwa mulungu, ninofunjeda mwemo nina-indele iyo chitwi-u yolaleela. Akala mwapangilevo sonkanola, kodi munaona ira mapuziro anala mbokami-a?

6. Ninovwela lamulo la Mulungu loi nilaleelenga

Muthawi ya anamarumiwa athu oruni-a koowawandela ofunjeda a Yesu ira ka-iye laleela. Komave Akiristwala kootiti-eda ufuluwa olaleela moira “garati-a mwalamulo . . . chito ya uthenga wa pama.” (Afilipi 1:7) Pivyevyo teto a Mboni da Yehova kanairaathu malambwano.a

VIDIYO: Ninotiti-eda Mwalamulo Uthenga wapama (2:28)

Welengani Vyoira 5:27-42, era eeno tapanyani yofuka yo-arelela:

• Chifukwa n’ni kan’na-iye inda chito yolaleela?  — Onani vesi 29, 38, na 39.

VYEVYO NIFUNJEDILE IYO

Yesu oolamula o-arelae ira kalaleelenga Uthenga wapama wa athu a mitundu detene. Yehova unokami-a athwaye ka-indanga chito inela.

Vyofuka Vyoweli-eda

• Mbaani kanalaleela uthenga wapama vailambo yetene?

• Kodi chitwi-u yolaleela inatonyi-eda avi ira ninoomeliwana athu?

• Kodi munaona ira chito yolaleela inokoza nikami-a ira nikalenga osangalala? Chifukwa n’ni munaona eeno?

ONANI VIMO-I

Onani vyevyo a Mboni da Yehova kanairaathu volaleela mataoni alukulualukulu.

Ntchito Yapadera Yolalikira M’malo Opezeka Anthu Ambiri ku Paris (5:11)

Kodi a Mboni da Yehova kairile vyoi avi wa athu otawa waniwa?

Kuthetsa Ludzu Lauzimu la Anthu Othawa Kwawo (5:59)

Onani mwemo inda chito yolaleela thawi detene wakami-edeleathu muthu m’mo-iwa kala osangalala.

Ndimasangalala Kuti Ndinasankha Kutumikira Yehova (6:29)

Iziwani vyokuza milandu dofuneya vinjinji dedo niwinile iyo vyevyo vikami-ile ira chito yolaleela uthenga wapama ira idowe vasogolo.

“Olalikira Ufumu Anayamba Kupititsa Milandu Yawo Kukhoti” (Ufumu wa Mulungu Ukulamulira!, mutu 13)