Aisaraeli ambin’li anayo karumiwe dowa ona mzinda wa Yeriko kafiyedile m’mba mwa muzimai m’mo-iwa zina lae Rahabi. Mwene wa wewo angaiziwile vyevi, ooruma asilikali ira kadowe unyumbeyo. Koma Rahabi oowasunga Aisaraelayo vadimu va nyumba nowawandela asilikalayo ira kavolowele ndila imo-iwa. Vanduli viwa oowawandela Aisaraelayo ira: ‘Ndinaukami-ani chifukwa ndiiziwa ira Yehova unanauvazelani kondo moi munogonji-a mzindola. Ndinauvepani ira mundilonjeze ira kamunaza mundipha miyo limo-i na abalanga.’

Aisaraelayo koomuwandela Rahabi ira: ‘Ninaulonjeza ira uliwetene unoyo unaze akale munyumbawela kanaza aphiwa.’ Vanduli viwa koomuwandela ira: ‘Umangelele go-i ofiila valuwindo ira weyo na abalawo muze mukale otetezeya.’

Rahabi oo-indi-eda chito go-i vokumi-ela Aisaraeli ambin’lale va luwindo ira kadowenga. Aluwa koodowa vitaala m’mwango wa malambo maralu ka-anawelele wewo wali Yoswa. Vanduli viwa Aisaraeli koolambuwa inje wa Yorodano ira kaambeele waka ilambweyo. Mzinda owambeela ugonji-a wali wa Yeriko. Yehova oowawandela ira karungunuwenga mzindola ndila imo-i va dambo wa malambo 6. Koma va dambo la 7 Yehova oowawandela ira kaurungunuwe mzindoyo wa maulendo 7. Vanduli viwa asembe kooimba malipenga teto asilikali koopanga pokoso vinjinji. Vingaireile eno, machisi a mzindoyo koogwa. Koma nyumba ya Rahabi ineyo yalumikizanile na machisayo, kayagwile. Rahabi na athu a m’banja lae koovulumuwa chifukwa yoi koororomela vinjinji Yehova.

Athu amo-i awu Kanani koovwa vyevyo vyaireile wu Yeriko. Eno mamwene angasene koopangana ira kawane na Aisaraeli. Koma athu awu Gibiyoni kooganiza ndila imo-iwa. Koodowa wa Yoswa kangawarile vyowara vyong’ambeya noonga ira: “Nikumele wu ilambo yaundendai vinjinji.” Niivwa vya Yehova koma teto vyevyo aupangeleni liye wu Iguputo na wu Mowabu. Nilonjezeni ira kamunaza muwana na iyo teto iyo nina- kala akapolwinyu.’

Yoswa ororomela vyevyo athwala kaongileathu moi oolonjeza ira katinaza kawana na aluwa. Vangakede vira malambo maralu, koozindikila ira athwayo katali aundendai. Kali awu Kanani wewo. Eno Yoswa oowafuka athwayo ira: ‘Chifukwa n’ni mwandinami-ile?’ Aluwa koosomeda ira: ‘Nera oova! Ninoiziwa ira Yehova Mulungwinyu ngunoyo unauvazelani kondo. Ninavepa ira kamuniphe.’ Yoswa osunga lonjezo lae moi kaaphile.

Vaanavire thawi yolapa, mamwene 5 awu Kanani koopanga vyoi kawane na athu awu Gibiyoni. Eno Yoswa na Asilikalae kooenda ma-iyu etene dowa awaki-a. Kondo yaambeele mamawa, teto Akananayo koowambeela tawa nobalaleela mbali detene. Eno uli wetene wewo katawelaathu Yehova oowamori-eda maralaza alukulualukulu. Vanduli viwa Yoswa oomuvepa Yehova ira aimeche zuwa. Chifukwa n’ni liye avepile vyevi voi zuwa lali lanaimelevo? Chifukwa yoi liye oororomela vinjinji Yehova. Yehova oosomeda moi zuwa kalavolowile wa dambo letene mpakana vevo Aisaraeli kagonji-ileathu mamwene etene anayo na asilikaliwa.