Yesu “Oofunjeda Vwela”

Yesu ukala amuvwelanga Yehova ambeela wale. (Yoh. 8:29) Ndiye chifukwa n’ni Baibulo linaonga ira: Liye “oofunjeda vwela chifukwa ya mavuto anayo agumanilena liye”? — Aheb. 5:8.

Yesu angali vailambwela oogumana na vyongo vyevyo kavyaireya udimu. Mwaisazo, liye ooleliwa na makolo anayo kamuova Mulungu koma katali angwilo. (Luka 2:51) Koma teto oozuzumi-iwa na asogoleli aipembezo achinyengo koma teto olamulela ookaana chilungamo. (Mat. 26:59; Maliko 15:15) Koma “liye ooviyevi-a moi ookala ovwela mpakana ookhwa” movoreya vinjinji. — Afil. 2:8.

Vyevi vyoopangi-a ira Yesu afunjede vwela mundila ineyo kavyawandeya aakale ira ali udimu. Eno ookala Mwene koma teto Ndimuwa wa Asembe wapama vinjinji, unoyo unanivwechecha. (Aheb. 4:15; 5:9) Yesu ookala wamtengo wavadimu vinjinji wa Yehova, angafunjedile vwela chifukwa ya mavuto anayo agumanilena liye. Na-iyene teto ninokoza kala amtengo wavadimu vinjinji wa Yehova moi unokoza ni-indi-eda chito va utumiki uliwetene akala ninakalengave ovwela ngakale vevo nigumanilena iyo mavuto. — Yak. 1:4.