Kokkinakis v. Greece: Droit réservé
Inongwa zimo izya Bakaboni ba Yehova, pamwannya ukwandila ku mongo: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
UBUMI BWITU UBWACHIKILISITU
“Ukufighilila Amazyu Amiza Umwakukolelana Ni Lamulo”
Po abakususya bakalwisyanga ukuti balesye Abaizilayeli pakuzengasona itempeli, abakuzenga bakalondelezya ilamulo lyo likabitikizyanga ukuti bazenge itempeli. (Ezra 5.11-16) Umwakuyana bulo Abakilisitu amasiku ghano bakufighilila amazyu amiza umwakukolelana ni lamulo. (Filipi 1.7) Ukuti ivi vibombiwe Idipatimenti Iyakwenelezya Ivyandaghilo yikapangiwa ku hedikota mu 1936. Amasiku ghano Idipatimenti Iyakwenelezya Ivya Ndaghilo yo yili ku Hedikota yipangite indondomeko iyakufighilila imbombo iya Bumwene pachisu chosi ichapasi. Nkimba Idipatimenti iyi yavwilizya buli-buli imbombo iya Bumwene sona na bantu ba Chala bapindula nayo buli-buli?
ENELEZYA IVIDIYO IYAKUTI VYO VIKUBOMBIWA KU DIPATIMENTI IYAKWENELEZYA IVYA NDAGHILO KU HEDIKOTA, NUKWAMULA AMALALUSYO AGHA:
Ka ntamyo buli izyakukwafyannya ni ndaghilo zyo Abakaboni ba Yehova bakomana nazyo?
Ka nongwa buli yimo yo twawinapo? Munganena ichifwanikizyo
Ka uswe tungabomba buli-buli ukuti twavwilizyepo “pakufighilila amazyu amiza umwakukolelana ni lamulo?”
Ka tungazyagha kwiyi inkani pa webusati izyakukwafyannya ni ndaghilo sona na mazina agha Bakaboni ba Yehova bo bapinyiwe chifukwa cha lusubilo lwabo?