Twiyennyange Ukuti Swe Bakulondiwa pa Maso pa Yehova

“U Yehova akuhoboka na bantu bache.” (Salimo 149.4) Nangabuli swe bantu abambula ukufikapo loli u Yehova akwennya inkalo inyiza zyo tuli nazyo sona navyo tungakwanisya ukubomba. Akabalilo kamo vingabombiwa ukuti twande ukwiyennya ngati te swe bakulondiwa. Tunganda kwiyennya ukuti te swe bakulondiwa chifukwa cha mo abantu bamo bakutwenezya pamo mo bakubombela nuswe ivintu. Pala tukukumbukila sona vyo tukapuvya kwisinda tunganda ukukayikila ukuti u Yehova atughanite. Ka choni cho chingatwavwa pala twanda ukuba ni nyinong’ono ngati izi?

Tubaghiye ukukumbukila ukuti u Yehova akwennya ivintu vyo abantu batangavyennya. (1 Samu. 16.7) Ivi vikung’anamula ukuti u Yehova akwennya ivintu vyo uswe swebene tutangavyennya. Ichakuhobosya chakuti Ibayibolo likutwavwa ukuti tuvwisye mo u Yehova akutwenezya. Tungivwisya ifundo iyi waghe tukubelenga Ibayibolo sona ni nkani zyo zikulangizya mo u Yehova abaghaniye abantu bache.

ENELEZYA IVIDIYO IYAKUTI MUGHUSIMIKIZYE UMOYO WINU UKUTI U YEHOVA ATAKUBAPA UMULANDU, NUKWAMULA AMALALUSYO AGHA:

• Nkimba ichifwanikizyo icha baba nu mwana yo akaba pamupikisano uwakuchimbila chikutwavwa buli-buli ukumanya mo u Yehova akutwenezya?

  Your answer

• Nkimba u muntu yo akamunangila u Yehova loli ayanizye umanyani wache nu Yehova, angaghusimikizya buli-buli umoyo wache kuti u Yehova amughanite?—1 Yoh. 3.19, 20

  Your answer

• Nkimba umukamu akapindula buli-buli bo abelenga inkani iya Yehoshafati nu Davide?

  Your answer