Tinzonzi ha zulu mongo

Yezu bu kamana sola ntumwa 12, wakoka ku mongo tii ha mbuka ya kutakana bantu babingi. Bantu bango ku Galile batûka, ku Yude, ku Tire, ku Sidone, ku Siri na ku simu diakaka dia nzari ya Zurde. Bawu banata bantu beri monaka mpasi mu bungu dia bimbevo na bakaka babâ mu lutumu lwa bademo. Yezu wabawasisa babansoni. Ha manima, Yezu wazakala mu mongo, mpe wabatika mu zonza. Yandi wasongela nti tulendi sa tala ti tuzololo mu bâ ndiku za Nzambi. Tufweti bakula ti Yehova we neto nsatu, mpe tufweti longoka mu mu zolo. Kâ, ka tulendi’â tazolo Nzambi ko tala ti ka tuzololo’â bantu bakaka ko. Tulendi bâ mu nsayi, mpe ba sungama na bantu babansoni, na mbeni zeto mpe.

Yezu watâ: ‘Ka wufweni’â ko wazolo ndiku zaku. Fweti zolo mpe mbeni zaku, mpe fweti lemvokelaka bantu mu mutima wawansoni. Tala ti muntu wukubakiriri nkesi, kulu kwe mu monekena, mpe lombasaneno mulemvo. Bongelaka bantu bakaka ntiana bu zololo bakubongela.’

Yezu wahana mpe malongi ma mbote kwe bantu mu bungu dia bima bia tinsuni. Yandi watâ: ‘Bubote bu bêle ndiku ya Nzambi na bu bêle na mbongo zazingi. Mwivi wulendi laba mbongo zaku, kâ ka kwena muntu ko wulendi laba tindiku tiaku na Yehova. Ka lubâkandi na lwaka mu bima bi ludia, bi lunwa peleko bi lulwata. Taleno nuni. Nzambi za kadikilaka ntangu zazansoni. Lwaka ka luyika luzingu lweno bula ko. Ka luzimbakanandi ti Yehova nsatu zeno zazansoni za kazebi.’

Bantu ka batoko’â wâ muntu wazonza ntiana Yezu ko. Mfumu zawu za mabundu ka zabalongesa misamu mio ko. Mu bungu dia nti Yezu kabêla mulongi wa mbote? Mu bungu ti misamu mi keri longesaka kwe Yehova mieri tûkaka.