Nti tulendi sa mu bakula Bibila?

Mvutu ya Bibila

Bibila diawu beni dia ditubakisaka mu bakula dio. Mbuka ni mbuka yi lendi bâ, nsangu za Nzambi ze mu Bibila ka “ziyôkele’â mpasi ko mu bungu dia nge, ka zena mpe mala ko.”—Lubambu 30:11.

Malongi mu bakula Bibila

1. Bâ na mabanza ma delakana. Tambula ti Bibila ni Zu dia Nzambi. Bâ wa kuluka, mu bungu ti Nzambi kazololo’â bantu bê na lulendo ko. (1 Bisi-Tesalonike 2:13; Zaki 4:6) Ku kwikilandi kwa kwikila buna—Nzambi zololo ti wasarilaka “ngindu’aku.”—Bisi-Rome 12:1, 2.

2. Sambilaka mu baka ndwenga. Bibila ditêle mu Bingana 3:5: “Kusikirilakandi kwa mayela maku.” Buna fweti “kwama lombaka [ndwenga] kwe Nzambi” mu bakula Bibila.—Zaki 1:5.

3. Vulu longokaka. Vulu longokaka Bibila: mbo tomo dia bakila ndandu tala ti programe ya mbote landaka.—Yoswa 1:8.

4. Longokela mu mitu-diambu. Longoka mutu-diambu wumosi mpe tomo taluzula misamu mi longesaka Bibila mu diambu dio. Mpila ya nkatika ya mbote yena mu dzukula ndongosolo za Bibila. Batikila mu “ndongosolo za ntete,” mpe ha manima, mbo wayôka mu “ndongosolo za zinene.” (Bahebre 6:1, 2, Bible des peuples) Bu fwanakasa verse zakaka, mbo mona ti verse zazingi za Bibila zibakilaka mbangululu mu verse zakaka, ni zibâ zo ze “mpasi mu bakula.”—2 Piere 3:16.

5. Lomba lubakusu. Bibila beto dilombaka mu tambula lubakusu lwa bô babakulaka nsangu zandi. (Bisalu 8:30, 31) Mbangi za Yehova ndongokolo za Bibila za mpamba bahanaka kwe bantu. Ntiana bakristo ba ntete, verse za Bibila basarilaka mu bangula misamu mi ditomo longesaka.—Bisalu 17:2, 3.

Ka wena na nsatu ko

1. Wabâ na mayela mamingi peleko wasa lukolo lwa lunene. Ntumwa 12 za Yezu ntiana “bantu balembo longoka na ba mpamba” beri babongelaka. (Bisalu 4:13) Kâ, Matsonoko beri bakulaka, mpe kwe bantu bakaka beri ma longesaka.

2. Wabâ na mbongo. Lendi longoka misamu mi longesaka Bibila mia mpamba. Yezu watâ kwe milongoki miandi ti: “Bia mpamba lwabakiri, haneno mpe bia mpamba.”—Matie 10:8.