Mungu dhó Pidhinga ká kʉ addu?

BIBLIA RI PO Ĭ

“Rà nǎ Mungu si kʉ ndidhó nzi ro si kʉ sani ná pidhinga li.”​—Danieli 2:44, Tafsiri ya Ulimwengu Mupya.

“Ddikpa ngba bbʉngʉéni kòdjo tsi nà; pidhinga sikʉe ke kùdjo.”​—Isaya 9:6; maelezo ya chini.

BIBLIA DDI NÁ FØ LÒ DZA BLONGA KÁ KÀ NDIE NIDHO ADDU?

• Ddikpa dd’ʉ kʉ ná pidhinga rò kʉ thé ddí ndika ndi nji bblonga rò ni dhò ma rò.​—Isaya 48:17, 18.

• Go si ná ø dzdjó ni ka si di bblo kʉ ná lendi na ndiri gòti bbo hwe nà.​—Ufunuo 21:3, 4.

BIBLIA PÒ NÁ FØ LÒ KÀ KÒ KÀ KÒ ÚU BBɄBBɄ?

Uo. Biblia po na fø lò kò ka ko úu dhonalo rò akopo ro kpali.

• Yesu dhongʉé Mungu dhó Pidhinga ka si nji ná lò rò dho. Yesu pòngʉéri ndi una kpa dí Mungu dhó Pindhinga nzinzi ndi si ndiró ke ji na ri njini ĭ dzdjò dd’é. (Matayo 6:9, 10) Yesu dhongʉé ngba rɨ bbaí ma fø sala gòti si ngʉ ná ri dho.

  Ĭ dzdjó ndingʉé na saa nà, Yesu ngungʉé ʉ nà kʉ ná nrǔ mà, ke gøngʉé dhè nà kʉ ná nrǔ mà, ndiri gòti ke gángʉé bʉ mà! (Matayo 15:29-38; Yohana 11:38-44) Ke Mungu vʉngʉé ndiká sie ndi dzá Pidhinga nà pí na ri dza, ke dhòngʉé Mungu dzá Pidhinga ka si nji nrǔ dhò ná lò rò dho.​—Ufunuo 11:15.

• Njʉ njini dzdjo ná lò ri dho Mungu dhó Pidhinga kʉ chøchø. Yesu pòngʉéri thé Mungu dhó Pindhinga si ngoi bbʉ ĭ dzdjo na ri nji li mà ka ve di nga ba, ʉ mà ka ve di chi, ndiri gòti rì mà ka ve di ngø já.​—Matayo 24:3, 7.

  Fø lò njini na ri kò njanja njʉ. Føri dzá kò kà kò uri u Mungu dhó Pidhinga si kʉ njʉ kʉ ná kpákpá lò sisi kar nga gòti.