SOMO 25
Mungu ká pɨ ngbá lo ko dho?
Biblia ripo ndrŭ dhó ddo kʉ ‘sese ndirigoti ri lili ndi nǎ kpakpalo na’. (Yobu 14:1) Ro, Mungu ká jiri kodhó maisha e fø? Nde rie nzá ke jiri kodhó maisha e fø ri ró, ke ká pɨ ngbá lo ko dho? Nde fø lo ká si njini ddikpa cha ni? Akonja Biblia ngʉ fø logoti kpakpa ka ndi li le nari bbai nari.
1. Yova ká jiri ko di ngba di ná maisha nǎ?
Yova jiri ko di bblo pli kʉ ná maisha nǎ. Anji ngʉe ná ndrŭ Adamu ma, Eva ma na ke nongʉe ro, ke lingʉe kpa Edeni dhi í nǎ bbo pli d’angʉeni ná paradiso na. Føri goti “Mungu lengʉe kpa ronga, ndirigoti ke pongʉeri kpa dho: ‘Anigø nzø, ni si pɨ, ni lɨlɨ dz’ djo, ndirigoti ni nyopi dz’ djo.’” (Mwanzo 1:28) Yova jingʉeri kpa gø nzø, kpa thɨ dz’ djó nga lu ndi ngʉ paradiso ndirigoti kpa b’o zǎ ronga. Ke pɨngʉeri ndrŭ krʉ di hwè na kaka ná le ndí na ndirigoti theinga dho.
Nzá mai lo njingʉeni føri bbai ro,a Mungu pɨ ná lo thika ro nzá lengʉeni ri. (Isaya 46:10, 11) Ke jiri ni ngarr ndi dho ná ndrŭ ki kasi di vi theinga dho ndirigoti bblo kʉ ná maisha nǎ.—Azø Ufunuo 21:3, 4.
2. Njʉ ká ko ka ko e nì na mana kʉ ná maisha na ngbaribbai?
Yova nongʉe ko, ko é “ndidzá lo dhi lazima na.” Føri na mana kʉ ko e ù na ko chú ke ndirigoti ko bbʉ madha ke dho. (Azø Matayo 5:3-6.) Ke riji ko kana kau e chøchø ndi na, “ko bbí ndidzá chu krʉ lu, ko ji ndi ji” ndirigoti ko njínji ndi dho “[ko] thí nǎ ro krʉ.” (Kumbukumbu la Torati 10:12; Zaburi 25:14) Ko njiri føri bbai ró, ko ka ko é bbʉbbʉ kʉ ná hwè na ni mai ko adi bani kpakpalo na ro. Yova dho ko madha bbʉ nari adi rili kodhó maisha e mana na, dhonalo føri i kʉ ko le nongʉe dho ná lo nganga.
ANE LONANGA BBO
Aneri ni chulo Yova dhongʉe ko dho ná bbo jidha djo dz’ ndi no ko dho nari na ndirigoti aneri ni chu Biblia ddí shi le di dho ná lo djo ná lo.
3. Yova pɨ bblo pli kʉ ná lo ndrŭ dho
Aninja VIDEO, ndirigoti anitilo i ngadhudha djo.
Mungu ká nongʉe kodhó bbo d’ani ná dz’ addudho?
Azø Muhubiri 3:11, ndirigoti anitilo i ngadhudha djo:
Fø lo ká ngbá lo ddi ni dho Yova djo?
4. Yova dhó kusudi thika ro nzá øni ri
Azø Zaburi 37:11, 29 ndirigoti Isaya 55:11, ndirigoti anitilo i ngadhudha djo:
Yova pɨ ko dho ná lo thika ro nzá d’e øni ri nari ká ko chu ngbaribbai?
Ddikpa dza sani sa ró, le ka le thɨ ri ronga thɨ. Føri bbai, pá ndrŭ nja ná ɨ dz’ djónga Mungu si thɨthɨ ngbà ji ndi ná ndrŭ dho
5. Yova dho ko madha bbʉ nari adi rili kodhó maisha e mana na
Shi le di dho ná lo ko chu nari ka ndi liri ko é hwè na. Aninja VIDEO, ndirigoti anitilo i ngadhudha djo.
Terumi chungʉe shi le di dho ná lo nari nǎ ro ká le bangʉe faida ngbaribbai?
Azø Muhubiri 12:13, ndirigoti anitilo i ngadhudha djo:
Yova nji bí kʉ ná ritsi ko dho, ná føri ká ko ronga cho ko nji addu?
NJA LE KA NDI DHURI: “Shi le di dho ná lo ká kʉ addu?”
Ni ká ka ni ngʉ fø logoti ngbaribbai?
LO DZÁ DɄNGA
Yova jiri ko nji maisha hwè theinga dho ɨ dz’ djó ndirigoti bblo kʉ ná maisha nǎ. Ko di ke má ko thí nǎ ro krʉ ró, kodhó maisha ka ndi e mana na njʉ maddi.
Lo djolu le ngʉ nari
Yova ká pɨngʉe ngbá lo anziro Adamu ma, Eva ma na dho?
Mungu pɨngʉe ndrŭ dho ná lo thika ro nzá d’e leni ri nari ká ko chu ngbaribbai?
Ni na mana kʉ ná maisha ká ni ka ni ba ngbaribbai?
NI KA NI CHU NÁ NJA LO
Anja Edeni dhi í ngʉe nì nari dho ná lo.
“Bustani ya Edeni, Ilikuwaka Kabisa?” (Munara wa Mulinzi, 1 Mwezi wa 1, 2011)
Aneri ni chu addudho ma ko ka ko uri u nari kʉ, dz’ si di theinga dho nari.
Aneri ni chu addu ma Biblia po nì na mana kʉ ná maisha ni ka ni ba nari djo ná lo.
Anja ngbaribbai ma ddikpa ke ngʉ riddi ndi ba krʉ kʉ ná ritsi, ro luti ke rangʉe ri utso d’i nari kʉ ndi kosa ddikpa ritsi maisha nǎ nari.
a Gosi ná somo nǎ, ko si njʉ ká kodhó maisha kʉ fø nga addudho ma nari chu.