Ciiyo 15

Bashicibusa Bakwe Lesa Balacita Shibotu

Na mulicite shicibusa ngomupa bulemu, mulelesha cankusu kukosha mibo yakwe. Baibolo ilaamba ayi: “Lesa ngoolibo kabotu alimwi ululeme.” (Kulumbaisha 25:8) Kwaamba ayi tube bashicibusa bakwe Lesa, tulyeelete kuba a mibo ibotu alimwi iluleme. Baibolo ilaamba ayi: “Mukwiinga muli bana bakwe Lesa abo mbaasuni, mulyeelete kukonkela mibo yakwe.” (Bene Efeso 5:1, 2) Amunyumfwe mbwenga mwacita boobo:

Munocafwa bantu bamwi. “Atucite shibotu kubantu boonse.”—Bene Galatiya 6:10.

Munosebensa cankusu. “Muntu wakalinga mwiipi ateepi lyobilo, sombi atalike kusebensa amaansaakwe.”—Bene Efeso 4:28.

Munolisalasha mu bukaalo bwanu. “Atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.”—2 Bene Kolinto 7:1.

Munosuna a kulemeka bashikamukowa. ‘Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye. Nobaana mulyeelete kunyumfwila bashali banu.’—Bene Efeso 5:33–6:1.

Munosuna bantu bamwi. “Atusunane mukwiinga lusuno lulaswa kuli Lesa.”—1 Joni 4:7.

Munonyumfwila milawo ya cishi. “Muntu uli woonse ulyeelete kunyumfwila beendeleshi. Lipila misonko yoonse yeelete kubeendeleshi.”—Bene Loma 13:1, 7.