Amube Bataloondi

Yesu Nshaakacita

VIDYO: Yesu Mbwaakalulika Mweendeleshi Mubile Wacanike

1. Amweebele VIDYO, na kubelenga Maako 10:​17-22. Lyalo akuyeeya pa miipusho itokonkelaawo:

1. Ino cilyeelete njimibo nshi ibotu Yesu njaakabona yakalinga kucite mweendeleshi wacanike ulya?

2. Ino nceebonshi Yesu wakalinga kuyandika lusuno akutaloonda kwaamba ayi alulike musankwa uyu?

Ino Nciinshi Nceenga Tweeya Kucakubonenaako Cakwe Yesu?

2. Tulyeelete kutondesha lusuno akucafwa shikwiiya Baibo kushiba nsheenga wacita kwaamba ayi atolelele kuya panembo lwakumushimu.

Amukonkele Cakubonenaako Cakwe Yesu

3. Amucafwe shikwiiya kuyeeya nsheenga wasuna kucita lwakumushimu kunembo akumucafwa kushiba mbweenga washikumanisha.

1. Amusebenseshe lubasu lwa “Nsheenga Mwaciita” lucanika mushiiyo shoonse sha mulibuku lya Amusangalale Abuumi Kwamuyayaya!

2. Amucafwe shikwiiya wanu kushiba nsheenga wacita kwaamba ayi akumanishe shimwi pacecino ciindi alimwi akunembo.

3. Amumuluumbe lyoonse shikwiiya na atooya panembo.

4. Amubone sheenga shalengesha shikwiiya wanu kwaalilwa kuya panembo, lyalo akumucafwa.

1. Amuliipushe ayi:

   • ‘Na shikwiiya Baibo wangu tatooya panembo kwaamba ayi eelele kubombekwa, ino nciinshi citolengesha?’

   • ‘Ino nshiinshi nsheenga ndaciita kwaamba ayi mucaafwe?’

2. Amupaile kwaamba ayi Yehova amucaafwe kutaloonda kubandika ashikwiiya wanu calusuno pashintu nshaeelete kucita.

5. Amucileeke kwiiya na shikwiiya tatooya panembo.

1. Amweeleshe kubona na shikwiiya Baibo wanu atooya panembo kwiinda mukuliipusha miipusho iyi:

   • ‘Sa shikwiiya wangu atokonkela nshaatokwiiya?’

   • ‘Sa alesa kumabungano akushimikilako bamwi cancine ncaatokwiiya?’

   • ‘Na peenda ciindi ndyemwatalika kumwiisha, sa alisuni kuba womwi wa Bakamboni Bakwe Yehova?’

2. Na shikwiiya Baibo taasuni kuya panembo:

   • Amumucaafwe kuyeeya citomulengesha kutaya panembo.

   • Munshila ili kabotu amumucaafwe kushiba ncomutocilekela kumwiisha.

   • Amumucaafwe kushiba nshaeelete kucita kwaamba ayi kunembo mukatolelele kumwiisha.