Kulekelela Shibiibi Bantu Nshobakalinga Kucita Kale Kale

Inga twalekelelwabo shibiibi shesu kwiinda mumulambu wacilubula Yesu ngwakaaba kwiinda mubulowa bwakwe. (Efe. 1:7) Nacibi boobo, Baibo ilaamba ayi: “Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela,” nkokwaamba ayi Yesu kaatana kwaaba buumi bwakwe mbuli mulambu. (Loma. 3:25) Ino cakalinga kukonsheka buyani Yehova kulekelela shibiibi sha bantu kakutana kuba cilubula lyalo akutolelela kuba Lesa ucita shintu mubululami?

Yehova wakashomesha “lunyungu” ulo lwakalinga kusa mukupulusha bantu bashoma muli nguwe amushishomesho shakwe. (Mata. 3:15; 22:18) Lesa wakalinga kushoma cakutatoonsha ayi paciindi ceelete Mwanaakwe wakashalwabo eenka alaakulyaaba kwaaba buumi bwakwe mbuli cilubula. (Gala. 4:4; Ebu. 10:​7-10) Yesu ndyaakalinga pacishi capanshi, Yehova wakamupa nkusu shakulekelela shibiibi cilubula kacitana kupekwa. Yesu wakalinga kulekelela shibiibi shabaabo bakalinga kucite lushomo, mukwiinga wakalinga kucishi ayi mulambu wakwe wakalinga kusa mukufweka pa shibiibi shabo.—Mate. 9:​2-6.