Ciiyo 14

Bashicibusa Bakwe Lesa Tabaciti Shibiibi

Sataana ulasunka bantu kwaamba ayi bacite shibiibi. Muntu usuni kuba shicibusa wakwe Lesa ulyeelete kupata shintu Yehova nshaapatite. (Kulumbaisha 97:10) Bashicibusa bakwe Lesa tabeelete kucita shintu ishi nsheshi twaambewo:

Bufuule a bulale. “Utaciti bulale.” (Kulonga 20:14) Bufuule abwalo mbubiibi.—1 Bene Kolinto 6:18.

Bucakolwa. “Bacakolwa . . . teshi bakenjile mu Bweene bwakwe Lesa.”—1 Bene Kolinto 6:10.

Kucaya, Kukusha lifumo. “Utacaayi muntu, sobwe.”—Kulonga 20:13.

Kwiipa. “Uteepi.”—Kulonga 20:15.

Kubeca. Yehova ulipatite “mulomo ubeca.”—Tushimpi 6:17.

Bubiibi a Bukali. Yehova “ulipatite bamucita shibi boonse.” (Kulumbaisha 11:5) Mu ‘milimo ya buntu muli a bukali.’—Bene Galatiya 5:19, 20.

Shisekano shakucaninamo maali. ‘Tamweelete kupanga cibusa a muntu mulyabi.’—1 Bene Kolinto 5:11.

Kupatana kwa Mishobo. “Amusune balwani banu akubapaililaako abo bamupensha.”—Mateyo 5:43, 44.

Shintu nshaatulwiita Lesa inga shatucafwa. Teshi cuubu lyonse kukaka kucita shibiibi. Yehova a Bakamboni bakwe na bamucafwa, inga mwacikonsha kucita shintu shisangalasha Lesa.—Isaya 48:17; Kulumbaisha 121:1, 2; Bene Ebulu 10:24, 25.