Ino Baibo Mulaibona Buyani?
Sa inga mwaamba ayi . . .
ndibuku lya busongo bwa bantu?
ndibuku lya makani akale kale atulabi?
ndibuku lyakaswa kuli Lesa?
BAIBO ILAAMBA AYI
“Malembo akwe Lesa oonse akayubululwa anguwe mwiine.”—2 Timoti 3:16, The Bible in Lenje.
MBWEENGA KWIIYA MAKANI AYA KWAMUCAFWA
Inga mwacana shikumbulo kumiipusho iyandika abuumbi mubuumi.—Tushimpi 2:1-5.
Inga mwacana makani acafwa mubuumi.—Kulumbaisha 119:105.
Inga mwaba akulangila kwancinencine.—Bene Loma 15:4.
SA INGA TWASHOMA BAIBO NSHOYAAMBA?
Ee, ceebo ca sheebo ishi shotatwe:
Kucatana kukondelesha abuumbi. Pakeenda myaaka 1,600 kwaamba ayi basankwa 40 bapusenepusene bamanishe kulemba Baibo. Baanji pabaaba tabana kubonanaawo. Nacibi boobo, Baibo ndibuku licite makani acatene, alimwi lilaamba pamakani omwi!
Makani akale kale ancine. Beshikulemba makani akale kale balashisa kukomwa kwa bantu babo. Ono bantu bakalemba Baibo bakalemba shilubo nshebakacita alimwi asheesho shakacita bamu mushobo wabo.—2 Makani 36:15, 16; Kulumbaisha 51:1-4.
Bushinshimi bwamu Baibo lyoonse bulakumanishikwa. Kakucaalite myaaka 200, Baibo yakaambila limwi ayi ndabala yakale kale ya Babiloni ilaakunyonyoolwa. (Isaya 13:17-22) Taina kwaambabo pa mbweshi ikanyonyoolwe, sombi yakaamba aliina lya muntu wakalinga kusa mukwiikoma!—Isaya 45:1-3.
Bushinshimi bumwi buunji abwalo bwakakumanishikwa bweenka mbuli Baibo mboyakaambila limwi. Ici inga tacitukankamiki mukwiinga Baibo nga Maswi akwe Lesa.—2 Pita 1:21.
SHAKUYEEYAWO
Ino Baibo inga yamucafwa buyani kuba abuumi bubotu?
Baibo ilakumbula mwiipusho uyu palilembo lya ISAYA 48:17, 18 a 2 TIMOTI 3:16, 17.