Amutolelele

Njiisho: “Bakatolelela kwiisha akushimikila Makani Abotu.”—Milimo 5:42.

Paulo Nshaakacita

Mutumwi Paulo atoshimikila likoto lya bantu.

VIDYO: Paulo Wakatolelela Kushimikila ku Efeso

1. Amweebele VIDYO, na kubelenga Milimo 19:8-10. Lyalo akuyeeya pa miipusho itokonkelaawo:

Ino Paulo wakacita buyani kwaamba ayi atolelele kucafwa baabo bakalinga kusuni kwiiya, nabi bamwi ndyebakalinga kumupikisha?
Ino Paulo wakaboolelako mankanda ongaye mukwiisha baabo bakalinga kusuni kwiiya alimwi wakacita boobo kwaciindi cilaamfu buyani?

Ino Nciinshi Nceenga Tweeya Kucakubonenaako Cakwe Paulo?

2. Kuboolela kubantu basuni kwiiya akutalika shiiyo sha Baibo kulayandika ciindi akusebensa cankusu.

Amukonkele Cakubonenaako Cakwe Paulo

3. Amube balibambite kuboolelaako paciindi ndyeenga mwamucana muntu ngomwakashimikila. Amuliipushe ayi: ‘Ino ndilili alimwi nkuli nkweenga ndamucana na ndaboolelaako? Ino ndilili ndyeenga waba aciindi cakubandika?’ Amube balibambite kuboolelaako nabi ciindi ncaamba nciyumu kuli ndimwe.

4. Amumwiipushe ndyeenga wasuna ayi mukabooleleeko. Lyoonse pesule lya mubandi, amumwiipushe ciindi ndyeshi mukabandike alimwi. Amushinishe kuboolelaako pabushiku aciindi ncomwakapangana.

5. Amutolelele kulangila. Mutafwambaani kuyeeya ayi muntu taasuniiwo kwiiya ceebo cakwaamba ayi liinji taacaniki paŋanda nabi na alaba ashakucita shiinji. (1 Koli. 13:4, 7) Amutolelele kweelesha kuboolelaako kwaamba ayi mumucane paŋanda, sombi amushinishe kusebensesha kabotu ciindi canu.—1 Koli. 9:26.

AMUBONE A

Milimo 10:42; 1 Koli. 9:22, 23; 2 Koli. 4:1; Gala. 6:9