BUUMI BWA BWINEKLISTU
Amwiibaluke Kupaililaako Beneklistu Batopenshekwa
Bushinshimi bwamu Baibo bwakaambila limwi ayi Satana ulaakutupensha kwaamba ayi akashe ncito yakushimikila. (Joni 15:20; Ciyu. 12:17) Ino bamakwesu abenankashi batopenshekwa mushishi shimwi inga twabacafwa buyani? Inga twapaililaako. “Mupailo wa muntu ululeme ulicite nkusu abuumbi.”—Jemu. 5:16.
Ino nshiinshi nsheenga twaamba mumupailo? Inga twasenga Yehova ayi acafwe bamakwesu abenankashi kuba amushimu wakutaloonda. (Isa. 41:10-13) Inga twapaila kwaamba ayi beendeleshi basuminishe ncito yakushimikila, “kwaamba ayi twiindilishe kukala muluumuno akuliiba.”—1 Timo. 2:1, 2. NWT
Paulo alimwi aPita ndyebakalinga kupenshekwa, Beneklistu bamumwaaka wa mwaanda wakutaanguna bakabapaililaako. (Mili. 12:5; Loma 15:30, 31) Nabi kwaamba ayi tatubeshi meena bamakwesu abenankashi batopenshekwa munshiku shino, inga twaamba libungano, cishi na lubasu nkobakala