Sheenga Shatucafwa Kushimikila Kabotu—Kutalika Mibandi Yeenga Yatucafwa Kushimikila

Yesu wakacikonsha kushimikila mwanakashi mwine Samaliya mukwiinga wakatalika mubandi anguwe. Ino nciinshi ceenga catucafwa kutalika mibandi abantu mbotuteshiwo?

• Amube baangulukite kwaamba ayi mubandike abantu. Nabi Yesu wakalinga kulemete, wakatalika mubandi kwiinda mukusenga maanshi. Aboobo inga mwatalikila akwaansha, mpashi inga mwaamba pa mbobwaca na shitocitika mucishi. Mutaluubi ayi cintu cinene ciyandika nkutalika mubandi, aboobo inga mwaamba pamakani aliwoonse eenga asangalasha muntu. Na wabula kukumbula, palibo kabotu. Inga mweelesha alimwi kubandika amuntu umwi. Amupaile kuli Yehova kwaamba ayi amucafwe kutaloonda.—Neye. 2:4; Mili. 4:29.

• Amubikile maano kubaabo mbweenga mwashimikila makani abotu, sombi mutafwambaani kwaamba pa makani abotu. Amubandike bweenka mbomubandika lyoonse. Kukakatisha muntu kumukutika, inga kwalengesha ayi acileeke kubikilaako maano kushintu nshemutokwaamba. Mutalisukami na mubandi wamana kamutana kushimikila pa sha Bwaami. Na mulicite boowa bwakushimikila munshila yakubandikabo, amulibambile kabotu kutalika mibandi kwakubula kushimikila muntu. [Amutondeshe vidyo yakutaanguna akubandikawo.]

• Amweeleshe kutalika mubandi kwiinda mukwaamba palushomo lwanu, mpashi kucita boobo inga kwalengesha ayi ngomutoshimikila abe amiipusho. Makani ngakaamba Yesu akalengesha mwanakashi kwiipusha miipusho. Aboobo wakamushimikila kwiinda mukukumbula miipusho iyo. [Amutondeshe vidyo yabili, akubandikawo, pesule mutondesheavidyo yatatu, akubandikawo.]