Kushimikila Kulibetele Mumweenshi wa November—Kulwiita Bantu pa Bwaami Bwakwe Lesa

Yesu ‘wakashimikila makani abotu a Bwaami bwakwe Lesa.’ (Luka 4:43) Alimwi wakeesha bantu kupailila ayi Bwaami ubu bwise. (Mate. 6:9, 10) Mumweenshi wa November, tulaakuba akushimikila kulibetele ndyeshi tukanoolwiita bantu pa Bwaami bwakwe Lesa. (Mate. 24:14) Amubambe kabotu shakucita shanu kwaamba ayi mukaabaneemo lubasu. Boonse beshi bakanoosebensa mbuli bapainiya bakucafwilisha mumweenshi uyu, inga basala kusebensa mawoola 30 na 50.

Amubelenge lilembo lyaamba pa Bwaami bwakwe Lesa kubantu baanji bekala kumusena nkomushimikila na kacikonsheka. Ndyemutosala lilembo lyakubelenga, inga cabota kushiba bupailishi muntu nkwaaya. Na muntu umwi palweendo lwakutaanguna watondesha ayi alisuni kwiiya, inga mwamwaabila Njashi Yamulindilishi No. 2 2020 yamu Chitonga. Lyalo amubooleleeko cakufwaambana, akweelesha kutalika ciiyo ca Baibo kusebensesha libuku lyomwi kuswa paayo Ngotusebensesha Ndyetutokwiisha. Kwacaalabo ciindi ciniini kwaamba ayi Bwaami bwakwe Lesa bukanyonyoole mfulumeende shoonse shibupikisha. (Danye. 2:44; 1 Koli. 15:24, 25) Aboobo atweeleshe kucita nsheenga twacikonsha kwaamba ayi twaabanemo lubasu mukushimikila kulibetele kutondesha ayi tuli kulubasu lwakwe Yehova aBwaami bwakwe!