Amushimikile Makani Abotu Akwaamba Ayi Cishi Cibotu Cili Pafwiifwi!

Mu November, kulaakuba kushimikila kulibetele kwa makani abotu akwaamba ayi cishi cibotu cili pafwiifwi. (Kulu 37:10, 11; Ci 21:3-5) Amukabike bubaambo bwakwaamba ayi mukaabanemo lubasu cakumaninina mukushimikila kulibetele uku. Na mwalembesha bupainiya bwakucafwilisha mumweenshi uyu, inga mwasala kusebensa mawoola ali 30 na 50.

Amukalibambile kulwiitako bantu baanji lilembo litokwaamba pacishi cipya. Ndyemutosala lilembo, amuyeeye pamakani bantu ngeenga basuna kukutika kumusena nkomushimikila. Na palweendo lwakutaanguna muntu watondesha ayi alisuni kushiba shiinji, amumwaabile magazini ya Njashi Yamulindilishi No. 2 2021. Lyalo amufwambaane kucita lweendo lwakuboolelaako akweelesha kutalika ciiyo ca Baibo kusebensesha buloshuwa ya Amusangalale Abuumi Kwamuyayaya! Cilasangalasha abuumbi kucita nsheenga twacikonsha kushimikilaako bamwi makani abotu a ‘shintu shiinditewo kubota’!—Isa 52:7.

AMWEEBELE VIDYO YA LWIIMBO LULIBETELE LUCITE MUTWI UTOKWAAMBA AYI AMUYEEYE AYI MULI MUCISHI CIPYA, LYALO AKUKUMBULA MIIPUSHO ITOKONKELAAWO:

• Ino nshiinshi shibotu sheshi shikacitike kunembo mwanakashi wacanike nshatoyeyawo?

• Ino nshiinshi nshemutolangila kubona na kucita mucishi cipya?

• Ino kukutumana kuyeeya pakulangila nkomucite inga kwamucafwa buyani kulibambila kwaabanamo lubasu mukushimikila kulibetele kwamu November?—Lk 6:45