Kwiipusha Miipusho

Yehova “Lesa usangalete,” alisuni kwaamba ayi tunoosangalala muncito yakushimikila. (1 Timo. 1:11) Inga twaba alusangalalo na twashiba bwakusebensa kabotu incito yakushimikila. Kwiipusha miipusho inga kwapa muntu kusuna kwiiya alimwi mbotutalika mubandi. Miipusho ilapa muntu kuyeeyawo akunyumfwishisha kabotu. (Mate. 22:41-45) Kwiipusha miipusho akukutika muntu ndyaatokumbula, kulapa muntu ngomutokwiisha kubona ayi mulamubikila maano. (Jemu. 1:19) Inga twashiba kabotu nsheenga twabandika pesule lyakunyumfwa muntu mbwaakumbula.

AMWEEBELE VIDYO YACITONDESHO ICITE MUTWI UTOKWAAMBA AYI AMUCANE LUSANGALALO MUNCITO YAKWIISHA BANTU KUBA BASHIKWIIYA​—SHEENGA SHATUCAFWA KUSHIMIKILA KABOTU—​KWIIPUSHA MIIPUSHO, LYALO AKUKUMBULA MIIPUSHO ITOKONKELAAWO:

• 

  Ino njimibo nshi ibotu Jade njaakatondesha?

• 

  Ino njimiipusho nshi Neeta njaakeepusha yakatondesha ayi ulabikila maano?

• 

  Ino njimiipusho nshi Neeta njaakeepusha kwaamba ayi acafwe Jade kusuna kwiiya makani abotu?

• 

  Ino njimiipusho nshi Neeta njaakeepusha kwaamba ayi acafwe Jade kuyeeyawo akunyumfwishisha kabotu nshaakalinga kwiiya?