Amusumine Lucafwo Lwakwe Yehova Kwiinda Mukupaila

Yehova ngoolengesha kwaamba ayi imbuto ya cancine imene akukula mumoyo wa muntu. (1 Koli. 3:6-9) Aboobo, kwaamba ayi tuswitilile muncito yakushimikila, tulyeelete kucinka manungo muli Yehova kwaamba ayi atucafwe akucafwa beshikwiiya Baibo.

Amupaile kuli Yehova kwaamba ayi acafwe beshikwiiya Baibo banu kuliyumya akukoma mapensho. (Filip. 1:9, 10) Amumulwiite cakuteenda mweela. Amupaile kwaamba ayi mushimu usalashi umutanjilile mushintu nshomuyeeya anshomucita. (Luka 11:13) Amwiishe beshikwiiya Baibo bwakupaila, akubayuminisha ayi banoopaila lyoonse. Amupaile aabo beshikwiiya Baibo alimwi akubapaililaako kwiinda mukwaamba meenaabo ndyemutopaila.

AMWEEBELE VIDYO YACITONDESHO ICITE MUTWI UTOKWAAMBA AYI AMUCANE LUSANGALALO MUNCITO YAKWIISHA BANTU KUBA BASHIKWIIYA—AMUSUMINE LUCAFWO LWAKWE YEHOVA—KUPAILA, LYALO AKUKUMBULA MIIPUSHO ITOKONKELAAWO:

• Ino ndipenshi nshi Neeta ndyaakacana ndyaakalinga kwiisha Jade?

• Ino lilembo lya 1 Bene Kolinto 3:6 lyakamucafwa buyani Neeta?

• Ino lipenshi Neeta ndyaakacana lyakamana buyani?