CIIYO 11

Kwaamba Cabuumi

Bene Loma 12:11

CITEENTE CINENE: Amwaambe cabuumi kwaamba ayi mucafwe batookutika kucitawo comwi.

Munokwaamba kweelana ambomutonyumfwa mumoyo. Ndyemutolibambila likani lyanu, amuyeeye abuumbi pakuyandika kwa makani ayo. Amwashibe kabotu makani kwaamba ayi mukaabandike cakuswa panshi lyamoyo.
Amuyeeye pabeshikukutika. Amuyeeye bunene pamakani ngeshi mukabelenge na kwiisha mbweshi akacafwe beshibakanookutika. Amuyeeye nshila sheenga shamucafwa kwaamba makani ayo munshila yeenga yacafwa batookutika kunyumfwishisha.
Amwaambe camoyo woonse. Amwaambe cankusu. Amusebenseshe maansa bweelete alimwi pameenso panu palyeelete kutondesha mbomutolinyumfwa.

Amubikileeko maano kwaamba ayi mutapilinganyi batookutika kwiinda mukusebensesha maansa apateelete. Amusebenseshe maansa patokweelela kucita boobo. Amwaambe cabuumi ndyemutosansulula shiteente shinene andyemutoyuminisha batookutika kucitawo comwi. Tamweelete kwiindilisha kwaamba cankusu cakwaamba ayi batookutika cabacima akubacima.