Amuliceeshe

Njiisho: “Muliceeshe, lyoonse kunoobona babyaanu anga balamwiindaawo.”—Filip. 2:3.

Paulo Nshaakacita

Mutumwi Paulo, atokwaamba cabulemu ku Mwaami Agilipa, Mweendeleshi Fesitasi, alimwi a Benisi ndyaangitwe kuli shikumulindilila.

VIDYO: Paulo Mbwaakashimikila Mwaami Agilipa

1. Amweebele VIDYO, na kubelenga Milimo 26:2, 3. Lyalo akuyeeya pa miipusho itokonkelaawo:

Ino Paulo wakatondesha buyani kuliceesha ndyaakalinga kubandika a Mwaami Agilipa?
Ino Paulo wakacafwa buyani Mwaami Agilipa kubikila maano kuli Yehova a Malembo?—Amubone Milimo 26:22.

Ino Nciinshi Nceenga Tweeya Kucakubonenaako Cakwe Paulo?

2. Bantu inga basuna kukutika makani ngotushimikila na katwaamba munshila yabulemu alimwi yakuliceesha.

Amukonkele Cakubonenaako Cakwe Paulo

3. Amwaambe munshila itondesha bulemu. Mutatondeshi anga muntu ngomutobandikaakwe taakuwo ncaashi mwebo ndimwe mushi shoonse.

4. Amutondeshe ayi nshemutokwaamba shitooswa mu Baibo. Maswi akwe Lesa inga apa bantu kwaalula mbobayeeya ambobalinyumfwa. Kusebensesha Maswi akwe Lesa inga kwabacafwa kuyaka lushomo lwabo palwiimbi lweelete.

5. Amutolelele kulibombya. Mutapikishanyi amuntu nabi nshemutokwaamba nshancine. Amutondeshe kuliceesha kwiinda mukukalika moyo akushiba ndyeenga mwayandika kutatolelela amubandi. (Tus. 17:14; Taita. 3:2) Kukumbula cakulibombya inga kwapa kwaamba ayi muntu akasune kukutika kunembo.

AMUBONE A

Loma. 12:16-18; 1 Koli. 8:1; 2 Koli. 3:5