• Isaaya 59:7, 8
    Bayibuli Enkyusa ey’Ensi Empya

    •  7 Ebigere byabwe bidduka okukola ebintu ebibi,

      Era banguwa okuyiwa omusaayi ogutaliiko musango.+

      Ebirowoozo byabwe bya kabi;

      Amakubo gaabwe galimu okuzikiriza n’ennaku.+

       8 Tebamanyi kkubo lya mirembe,

      Era mu makubo gaabwe temuli bwenkanya.+

      Bakyamya enguudo zaabwe;

      Tewali n’omu azitambulirako alimanya emirembe.+

  • Yeremiya 35:15
    Bayibuli Enkyusa ey’Ensi Empya

    • 15 Nnabatumira abaweereza bange bannabbi enfunda n’enfunda*+ nga ŋŋamba nti, ‘Mukyuke muleke amakubo gammwe amabi,+ mukole ekituufu. Temugoberera bakatonda balala era temubaweereza. Olwo mujja kweyongera okubeera mu nsi gye nnabawa mmwe ne bajjajjammwe.’+ Naye temwampuliriza.