Zabbuli
Eri akubiriza eby’okuyimba; ku Musulabbeni.* Zabbuli ya Dawudi.
א [Alefu]
9 Ai Yakuwa, nnaakutenderezanga n’omutima gwange gwonna;
Nnaayogeranga ku bikolwa byo byonna eby’ekitalo.+
2 Nnaasanyukanga era ne njagulizanga mu ggwe;
Nnaayimbanga ennyimba ezitendereza erinnya lyo, Ai ggwe Asingayo Okuba Waggulu.+
ב [Besu]
3 Abalabe bange bwe banadduka ne baddayo,+
Bajja kwesittala basaanewo okuva mu maaso go.
4 Kubanga ondaze obwenkanya n’ompolereza;
Otuula ku ntebe yo n’olamula mu butuukirivu.+
ג [Gimeri]
5 Onenyezza amawanga+ n’ozikiriza ababi,
Erinnya lyabwe n’olisangulirawo ddala emirembe n’emirembe.
ה [Ke]
ו [Wawu]
ז [Zayini]
11 Muyimbire Yakuwa abeera mu Sayuuni;
Mumanyise ebikolwa bye mu mawanga.+
12 Oyo awoolera eggwanga olw’omusaayi gwabwe ogwayiibwa abajjukira;+
Talyerabira kukaaba kw’abo ababonyaabonyezebwa.+
ח [Kesu]
13 Nkwatirwa ekisa, Ai Yakuwa; laba engeri abo abatanjagala gye bambonyaabonyaamu,
Ggwe annyimusa okunzigya ku miryango gy’okufa,+
14 Ndyoke nnangirire ebikolwa byo eby’ettendo mu miryango gya muwala wa Sayuuni,+
Era nsanyukire mu bikolwa byo eby’obulokozi.+
ט [Tesu]
15 Amawanga gagudde mu kinnya kye gaasima;
Ekigere kyago kikwatiddwa mu kitimba kye gaatega.+
16 Yakuwa yeemanyisa olw’emisango gy’asala.+
Ababi bakwatiddwa mu ebyo bye bakola n’emikono gyabwe.+
Kiggayoni.* (Seera)
י [Yodi]
17 Ababi bajja kugenda emagombe,*
Amawanga gonna ageerabira Katonda.
כ [Kafu]
19 Situka, Ai Yakuwa! Tokkiriza muntu kuwangula.
Amawanga ka gasalirwe omusango mu maaso go.+
20 Baleetere okutya, Ai Yakuwa,+
Amawanga ka gamanye nti go bantu buntu. (Seera)