Zabbuli
Zabbuli ya Dawudi. Oluyimba.
108 Omutima gwange munywevu, Ai Katonda.
Nja kuyimba ennyimba ezikutendereza n’obusobozi bwange bwonna.*+
2 Zuukuka ggwe ekivuga eky’enkoba; naawe entongooli.+
Nja kuzuukusa emmambya.
3 Ai Yakuwa, nja kukutenderereza mu bantu;
Nja kukuyimbira mu mawanga ennyimba ezikutendereza.
4 Kubanga okwagala kwo okutajjulukuka kungi nnyo, kuli waggulu nnyo ng’eggulu,+
N’obwesigwa bwo butuuka ku bire.
5 Ogulumizibwe okusinga eggulu, Ai Katonda;
Ekitiibwa kyo ka kibeere ku nsi yonna.+
6 Tulokole n’omukono gwo ogwa ddyo era onziremu,
Abo b’oyagala basobole okununulibwa.+
7 Katonda omutukuvu agambye nti:*
“Nja kujaguza; Sekemu+ nja kumuwa abantu bange okuba obusika;
Ekiwonvu ky’e Sukkosi+ nja kukiwa abantu bange.
9 Mowaabu ye bbenseni mwe nnaabira.+
Nja kusuula engatto yange ku Edomu.+
Nja kujaganya olw’okuwangula Bufirisuuti.”+
10 Ani anantwala mu kibuga ekiriko bbugwe?
Ani anankulembera okuntuusa mu Edomu?+
11 Si ye ggwe, Ai Katonda eyatwesamba,
Katonda waffe atakyagenda naffe mu lutalo?+