Oluyimba lwa Sulemaani

2 “Ndi kimuli bumuli eky’omu lusenyi,

Eddanga ery’omu biwonvu.”+

 2 “Ng’eddanga mu maggwa,

Gwe njagala bw’ali bw’atyo mu bawala.”

 3 “Ng’omuti gwa apo bwe guba mu miti egy’omu kibira,

N’omwagalwa wange bw’ali bw’atyo mu bavubuka.

Njagala nnyo okutuula mu kisiikirize kye,

Era ekibala kye kimpoomera.

 4 Yannyingiza mu nnyumba omuliirwa ebijjulo,*

Era bbendera ye eyali ku nze kwe kwagala.

 5 Mumpe ebitole by’ezzabbibu+ ne apo,

Ndye nziremu amaanyi,

Kubanga omukwano gundwazizza.

 6 Omukono gwe ogwa kkono guli wansi w’omutwe gwange;

N’omukono gwe ogwa ddyo gumpambaatidde.+

 7 Mmwe abawala ba Yerusaalemi,

Mbalayiza enjaza+ n’empeewo ez’oku ttale:

Laba! Wuuyo ajja,

Ng’alinnya ensozi, ng’obusozi abuyitako awenyuka.

Wuuli ayimiridde emabega w’ennyumba yaffe,

Alingiza mu ddirisa,

Atunula mu ddirisa ery’akatimba.

10 Omwagalwa wange aŋŋamba nti,

‘Yimuka gwe gwe njagala ennyo,

Nnalulungi wange, jjangu tugende.

11 Laba! Ekiseera ky’obutiti* kiyise,

Enkuba eweddeyo, egenze.

12 Ebimuli byanyizza mu nsi,+

Ekiseera ky’okusalira kituuse,+

Era oluyimba lw’ejjiba luwulirwa mu nsi yaffe.+

13 Ebibala by’omutiini ebisooka byengedde;+

Emizabbibu gimulisizza era giwunya akawoowo.

14 Ggwe ejjiba lyange, vaayo mu mpampagama z’olwazi,+

Vaayo eyo aweekusifu mu lwazi olugulumivu,

Nkulabe era mpulire eddoboozi lyo,+

Kubanga eddoboozi lyo ddungi era olabika bulungi.’”+

15 “Mutukwatire ebibe,

Ebibe ebito ebyonoona ennimiro zaffe ez’emizabbibu,

Kubanga emizabbibu gyaffe gimulisizza.”

17 Ng’empewo tennatandika kukunta, era nga n’ebisiikirize tebinnaggwaawo,

Komawo mangu omwagalwa wange,

’enjaza+ oba empeewo ento+ ku nsozi eziri wakati waffe.*