Eby’Okwejjukanya ku Kijjukizo

Ekijjukizo ky’omwaka guno kijja kubaawo ku Ssande, Apuli 8. Abakadde balina okwekenneenya ensonga eziddirira:

◼ Nga muteegeka ekiseera eky’okukuŋŋaanirako, mukakase nti obubonero tebujja kuyisibwa ng’enjuba tennaba kugwa.

◼ Buli muntu nga mw’otwalidde n’omwogezi, alina okutegeezebwa ekiseera kyennyini n’ekifo awanaabeera omukolo.

◼ Ekika ky’omugaati ogusaanidde n’enviinyo birina okufunibwa era bitegekebwe.​—Laba Watchtower aka Febwali 15, 1985, olupapula 19.

◼ Amasowaani, giraasi, n’emmeeza esaanidde era n’ekitambala eky’oku mmeeza birina okutegekebwa nga bukyali.

◼ Kingdom Hall oba ekifo ekirala kyonna eky’okukuŋŋaaniramu kirina okulongoosebwa obulungi ng’ekiseera tekinnaba kutuuka.

◼ Abaaniriza abagenyi n’abaweereza balina okulondebwa n’okutegeezebwa nga bukyali ku bikwata ku mirimu gyabwe n’enkola ey’okugoberera.

◼ Enteekateeka zirina okukolebwa okuweereza eyafukibwako amafuta yenna ataasobole kubeerawo olw’obulwadde.

◼ Bwe kiba nti ebibiina ebisukka mu kimu bijja kukozesa Kingdom Hall y’emu, wateekwa okubeerawo entegeka ennungi wakati w’ebibiina okusobola okwewala omujjuzo mu kisenge, mu luggya, n’awasimba emmotoka.