Yimba n’Essanyu Ennyimba Ezitendereza Yakuwa

Pawulo ne Siira baayimba ennyimba ezitendereza Yakuwa nga bali mu kkomera. (Bik 16:25) Awatali kubuusabuusa, ekyo kyabazzaamu amaanyi ne kibayamba okugumiikiriza. Ate ffe leero? Ennyimba ze tukozesa mu nkuŋŋaana n’ennyimba endala ez’Obwakabaka zisobola okutuzzaamu amaanyi era ne zituyamba okusigala nga tuli beesigwa nga tugezesebwa. N’ekisinga obukulu, zitendereza Yakuwa. (Zb 28:7) Bulijjo tukubirizibwa okufuba okukwata ebigambo by’ennyimba ezo. Ekyo ogezezzaako okukikola? Tusobola okwegezaamu ennyimba ezo mu kusinza kw’amaka tusobole okuzikwata.

MULABE VIDIYO, ABAANA BATENDEREZA YAKUWA NGA BAYIMBA, OLUVANNYUMA MUDDEMU EBIBUUZO BINO:

• 

  Tuganyulwa tutya bwe tuyimba ennyimba z’Obwakabaka?

• 

  Abakola ku vidiyo n’eby’okuwuliriza, beeteekateeka batya nga bagenda okukwata oluyimba?

• 

  Abaana ne bazadde baabwe beeteekerateekera batya oluyimba olugenda okukwatibwa?

• 

  Nnyimba ki ez’Obwakabaka z’osinga okwagala, era lwaki?