Jawˇmawˇ ve mvuhˇ haˉ caˇ tuˬ

1. Mvuhˇ naw ma hkʼoˆ awˬ pa Yaˬhoˉvaˬ˗oˬ,

Yaꞈ puiˉ haˉ chi a yeˇ uiˍ jaˇ!

Oˇ htaˇ teˇ co˗e, nawˬ ve haꞈ ve leh hteˇ cawˇ ve,

Cuˇ yiˍ leh kanˇ paˆ hpeuꞈ maw laˇ.

Paˍsaˍhkaˍ pawehˇ yawˬ ehˉ htaꞈ pa taw,

Haꞈ ve chaw htaꞈ nawˬ hpehˇ piˇ ve.

Tcuh kaˍ paˍ ve tawˇ hkawˇ chi biˇ la tuˬ awˬ pon,

Jawˇmawˇ Yeˍsuˆ a shaꞈ tanˇ laˇ ve.

2. Awˬ hpfuhˇ hkʼaˆ jaˇ ve nawˬ shaiˍ ve yoˬ.

Suh ve htawˇ, Yeˍsuˆ na yuˬ ve.

Chi hkʼa peu˗eˬ tawnˇ gʼa tuˬ, awˬ heˆ nyiˇ ceuˬ cawˬ ve,

Hkaoˍ monˇ leh a pehˉ meuˇ gʼuiˬ yoˬ.

Awˬ bon chi gʼa ve ngaˬ hui ha lehˬ,

Yaꞈ puiˉ haˉ teˇ geh dawˇ nawˇ ve.

Nawˬ ve yaˇ paˍ suh ve ngaˬ hui htaꞈ htaiˍ hkʼawꞈ laˇ,

Teˇ gʼaˇ le le maˇ gʼa suh tuˬ yoˬ.

3. Nawˬ mehˆ gʼuˇ suhˍ ngaˬ hui teˇ geh chehˇ.

Nawˬ kuˬ laˇ ve ngaˬ hui laˬ ve.

Ngaˬ awˬ pon haꞈ ve hkʼaw nawˬ yaˇ htaꞈ peu laˇ ve,

Nawˬ leh nawˬ yaˇ htaꞈ ngaˬ chiˇ mvuh.

Jawˇmawˇ ve mvuhˇ haˉ caˇ tuˬ chi ve,

Nawˬ htaꞈ yawˆ yan, ngaˬ awˬ gʼaˇ gʼa.

Teˇ nyi le Yeˍsuˆ ve te hkʼaˇ ngaˬ hui gʼaꞈ te,

Co co taiˍ taiˍ a shaꞈ gʼa tuˬ yoˬ.