Vehˆsaiˉ Yehˇ Tuˬ Awˬ Hkʼaˇ
A yeˇ uiˍ ve awˬ lawn awˬ suhˉ Liꞈ mehˆ hpfuhˇ awˉ lawˉ htaˇ ve htaꞈ ca tuˬ awˬ hkʼaˇ
Awˬ viˉ awˬ nyi laiˉ gʼaˇ vehˆsaiˉ jw.org hkʼaw liꞈ mehˆ hpfuhˇ awˉ lawˉ htaˇ ve a yeˇ uiˍ ve awˬ lawn htaꞈ hto toˇ kuiˬ hkʼaw yehˇ ve yoˬ. Awˬ lawn kʼo, awˬ nu ve chaw htaꞈ liꞈ kʼoˆ leh VDO feu piˇ sha ve yoˬ. Chi ve lehˬ Liꞈ hpu hkʼaw tcuh kaˍ paˍ ve tawˇ hkawˇ htaꞈ caˉ daꞈ ve awˬ tehˬ hpehꞈ ve awˬ lawn cawˬ ve yoˬ. Awˬ viˉ awˬ nyi hawˉ hkʼaˆ teˇ gʼaˇ kʼoˆ ve, ngaˬ hui ve vehˆsaiˉ a yeˇ uiˍ ve liꞈ mehˆ hpfuhˇ lehˬ “chi teˇ hkui ngaˬ hui hto toˇ htaˇ yuˬ yehˇ ve awˬ bon cawˬ jaˇ ve yoˬ.”
Yaꞈ hkʼaˇ, a yeˇ uiˍ ve liꞈ mehˆ hpfuhˇ lehˬ teˇ hkui teˇ hkui pa ve yoˬ. Nawˬ hpfuhˆ nyi gaˇ ve awˬ lawn a yeˇ uiˍ ve liꞈ mehˆ hpfuhˇ awˉ lawˉ ve hkʼaw maˇ cawˬ˗oˬ ve kʼo, hkʼaˬ hkʼe te hpfuhˆ nyi gʼa tuˬ le?
Vehˆsaiˉ jw.org hkʼaw “awˬ leuˉ kʼawꞈ shiˍ gaˇ ve” kʼo loꞈ˗e nyi sheˍ. Chi ve lehˬ “Awˬ lawn awˬ suhˉ teˇ hpaˍ” tawˆ la gehˇ ve teˇ hpaˍ htaꞈ nawˬ mawˬ tuˬ yoˬ.
Vehˆsaiˉ jw.org maˇ heˆ leh JW Laiˉbaˍliˍ® hkʼaw, “Maˍ laˇ ve awˬ ceuˬ teˇ hpaˍ” hkʼaw loꞈ˗e sheˍ. Peuˬ leh “Laiˉ tawn cawˬ ve awˬ lawn” hkʼaw loꞈ˗e leh “Awˬ nu ve awˬ lawn” hkʼaw loꞈ˗e sheˍ. Awˬ lawn awˬ suhˉ tawˆ la gehˇ ve teˇ hpaˍ htaꞈ nawˬ mawˬ tuˬ yoˬ.