Gʼuiˬ sha yeunˇ hkanˍ puiˉ leh, ponˬ laˬ htaˇ chaw yaˇ te yaꞈ ve venˇ baˆ teˇ hpaˍ htaꞈ maˇ ciˍ yanˍ

Yeˍsuˆ htaiˍ hkʼawꞈ laˇ ve maˇ cawˬ ve kʼo, ngaˬ hui ve venˇ baˆ htaꞈ hpehˇ laˇ maˇ gʼa. (Eˇfeˇsuꞈ 1:7) Yaꞈ hkʼaˇ Liꞈ hpu hkʼaw kʼoˆ ve, “Gʼuiˬ sha yeunˇ hkanˍ puiˉ leh, ponˬ laˬ htaˇ chaw yaˇ te yaꞈ ve venˇ baˆ teˇ hpaˍ htaꞈ maˇ ciˍ yanˍ.” Chi ve htaꞈ pa taw htaiˍ hkʼawꞈ laˇ tuˬ Yeˍsuˆ ve a shaꞈ tanˇ laˇ ve yoˬ. (Roˉmaꞈ 3:25) Aˬ htoꞈ ma te Yaˬhoˉvaˬ chi hkʼe te gʼa ve le, leh aˬ htoꞈ ma te Gʼuiˬ sha ve awˬ liˇ awˬ hkʼaˇ htaꞈ maˇ yaꞈ ve le?

Yaˬhoˉvaˬ awˬ pon kʼo, yawˇ dawˇ cheˆ leh chaw yaˇ htaꞈ ponˬ laˇ tuˬ, “awˬ yaˇ awˬ duˬ” cawˬ tcuh ve yoˬ. Chi hkʼe te ve Yaˬhoˉvaˬ htaiˍ hkʼawꞈ ve htaꞈ vuiˬ hkʼawꞈ laˇ ve htaꞈ shuˍ ve yoˬ. (Awˬ hkuiˉ puiˍ 3:15; 22:18) Yaˬhoˉvaˬ yawˇ ve Yaˇ paˍ teˇ gʼaˇ tiˉ cawˬ ve awˬ yanˇ gaˬ ve kʼo, yawˇ ve a shaꞈ ha lehˬ ha kʼa ve hkʼaw htaiˍ hkʼawꞈ laˇ tuˬ yoˬ tehꞈ Yaˬhoˉvaˬ yonˍ ve yoˬ. (Gaˍlaˍtiˆ 4:4; Heˍbrehˇ 10:7-10) Yeˍsuˆ miˬ guiˬ hkʼoˆ lo Yaˬhoˉvaˬ ve awˬ tan te leh kanˉ te htaˇ, yawˇ ve a shaꞈ ngaˬ hui htaꞈ maˇ htaiˍ hkʼawꞈ laˇ sheˍ htaˇ, venˇ baˆ hpehˇ laˇ gʼa tuˬ kanˇ paˆ cawˬ ve yoˬ. Yawˇ chi hkʼe te ve lehˬ, yawˇ htaꞈ yonˍ ve chaw htaꞈ ga piˇ tuˬ htaiˍ hkʼawꞈ ve awˬ hpfuhˇ htaꞈ yehˇ ve yoˬ.—Maꞈhtehˍ 9:2-6.