Karta Lilembile Yakobo
5 Kavuruwanani nyo atu ofuma. Mule mokhuwa namwasa wa nyarwa dhinodha wa nyo. 2 Fuminyu itovunda thitho vyowara vinyu vitodyiwa na uswa. 3 Oro na kobiri dhinyu dhafero dhitonongeya na kwithi. Kwithiyo inodha kala umboni ouruni-ani moi unodhadya nokwinyu. Vyongo vilokotile nyo vinodha kala ninga mulo malambo omari-a. 4 Kavuruwanani! Anamalaba talabile basa lo-anda mundani mwinyu nyo aapagali tanaakhuwa thitho Yohova* wa magulu akhondo adhulu utovwa khuwa ovepha kami-iwa wa anamalabao. 5 Nyo mwatookaana ingumi yapama maningi vailambo yavathi nosangalala. Mwatoodya noruva ninga inyama yoi inodhowa maphiwa. 6 Mutotonga noupha mutu olongomana. Liye unaauruni-ani.
7 Ee-no mukale oleva rima abali, fiyedha kalavo wa Mbwiye. Muthuulele mwemo munoirela namalima. Liye unodedi-edhelave vyova-a vyapama maningi vyokhumela mateyani. Unodedi-edhela moleva rima rumbwa wa dhongwe oroma na ogomi-edha. 8 Nanyeene thitho mukale oleva rima. Mulimbi-e miriminyu, namwasa oi kalavo wa Mbwiye utokwivela.
9 Abali, kamudungunyenga vyaatu enango ira mwa-atongiwe. Kaing’anani! Namatonga utoimela valango. 10 Abali, vamwasa oona nyarwa noleva rima, mu-arele ifwanafwani-o ya anamaongela oi tatoonga mudhina la Yohova.* 11 Ninga mwemo munoidhiwela nyo, atu tavilenle ninoaona ira mbosangalala.* Mwatoovwa vyovilela wa Yobo thitho mutoidhiwa maraeli-o am’va-idhe Yohova.* Munoona mwekhene ira Yohova* ngwaudhivela ulukhulu na wa tangaranga.
12 Mbwenye kwaranya vyothene abalanga, mu-iye lumbela, voromola dhulu venango ilambo yavathi venango lumbela wa tundu uliwethene. Mbwenye mwaira “Ee,” akaleve ee thitho mwaira “Khabe,” akaleve khabe ira mwa-akale ofwanelela tongiwa.
13 N’nga vari vinyu vatokala mutu uliwethene unogumanana nyarwa? Adhowenave lobela. N’nga vatokala mutu unosangalala? Aombe nyumbo dhom’titimi-a Nlungu. 14 N’nga vari vinyu vatokala mutu uliwethene unobulela? Aitane andimuwa apingoni, thitho aliwa tam’lobelele nom’dholi-a makhura mudhina la Yohova.* 15 Lobelo lairoromelo linodha ili-a mutu unobuleluo* thitho Yohova* unodha m’limbi-a. Thitho akala atooira vyodawa, unodha leveleliwa.
16 Ee-no muwandelane vyodawa vinyu vakwecha nolobelelana, ira muili-iwe. Lobelo losembezela la mutu olongomana linolaba basa mwakopolo maningi.* 17 Eliya ali mutu ninga i-yo, mbwenye angalobenle khumela vathi varima ira dhongwe kurumbwe, kwaarumbwiledi muilamboyo wa vyawa viraru na myedi 6. 18 Adhamale atoolobela okoka thitho dhongwe watoorumbwa moi mateya atookhumi-a vyova-a.
19 Abalanga, akala mutu mwinango vari vinyu uto-iya imbarimbari namwasa odimeli-iwa, moi mutu mwinango utom’kami-a ira awelele, 20 muidhiwe ira mutu ukami-idhe odawuo i-yachi ndhilee yothakala utom’vulumucha muukwa moi Nlungu unodha levelela odawuo vyodawavyee vinjinji.