Karta Lilembile Yakobo
4 N’nga khondo na ndale vinoireya vari vinyu vinokhumela wani? N’nga kavinokhumela mu naluveluve wa manungwinyu unolimbana ira utongenga manungwinyu?* 2 Nyo munofunechecha, mbwenye kamunowachela vinofuna nyoovyo. Munodhowanave upha atu thitho munosilila mwabivu mbwenye kamunofwanya yongo. Munodhowanave kangana nokhoma khondo. Kamuwachenle namwasa oi kamuvephile. 3 Mwavepha, kamunova-iwa namwasa oi munovepha naifunelo yothakala, ira mukwakwaneli-edhe vyofuna vya manungwinyu.
4 Maputanyo,* n’nga kamunoidhiwa ira kala vauxamwali na ilambo kudhi-ela kala vaumwidani na Nlungu? Ee-no mutu uliwethene unofuna kala vauxamwali na ilambo unaadhiiri-a kala mwidani wa Nlungu. 5 N’nga munothuulela ira lemba linoonga vo-okaanene mwasa ira: “Zimu ukaatheile mwa-iyo unofunechecha mwabivu vyongo vyo-iyana-iyana?” 6 Mbwenye riya rima ulukhulu unovelela Nlungu unokwaranya kalelo leli. Ngumwasee lemba linoonga ira: “Nlungu unoruni-a atu odhiulukhuli-a, mbwenye atu odhiyevi-a unoathonyi-edha riya rimawee ulukhulu.”
7 Ee-no mugonjele Nlungu, mbwenye muruni-e Namanami-a thitho liye unodha utawani. 8 Mum’kwivele Nlungu thitho liye unodha ukwivelani. Mucheni-e mandhinyu nyo atu odawa, thitho mucheni-e miriminyu nyo atu okaikelakaikela. 9 Musukwale thitho mule. Theya winyu usanduwe kala ula thitho sangalala winyu usanduwe kala sukwala. 10 Mudhiyevi-e vamethoni va Yohova* thitho liye unodha ugweli-ani.
11 Abali, mu-iye ongelana vyothakala. Mutu uliwethene unom’mongela balee vyongo vyothakala venango m’tonga, unoongela vyothakala venango tonga lamulo. Mbwenye akala unotonga lamulo, kunoirana vinoonga lamulo mbwenye uli namatonga. 12 Mbwenye namavelela malamulo na namatonga ulivo m’mbo-i baa-i, oi thitho unooda vulumucha nononga. N’nga we uli ani ira utongenga fwaa?
13 Kavuruwanani nyo munoongecha ira: “Penene venango bebe-i ninodhowa sidadi n’nango thitho ninamamale yawa weo. Ninamaire goso weo noganyali kobiri.” 14 Munoonga vyevi angalive ira kamunoidhiwa ira ingumiinyu inodha kala a-vi bebe-i. Namwasa oi muli ninga libunda linooneya wa isihora yoyeva amala linonyang’anyeya. 15 Malomwee muongenga ira: “Yohova* arumela nodhowanave kaana ingumi ninoira vyaudje.” 16 Mbwenye nyo munodhiveliwana gaya nodhititimi-a. Dhititimi-a weo kothakala. 17 Ee-no akala mutu unoidhiwa irana yongo yapama mbwenye liye a-irana, unaadawa.