Yohova atoom’mwandela Jeremiya ira alaleelenga

Yohova atoom’mwandela Jeremiya ira alaleelenga wa Ayuda. Atoom’mwandela thitho ira aawenjeli-enga ira ta-iye irana vyongo vyothakala. Mbwenye Jeremiya atoowakula ira: ‘Yohova, miyo ndili mwana. Kandinaode laleela waatu enala.’ Ee-no Yohova atoom’mwandela ira: ‘Khuove, ndinouwandela vyongo vyothene vinofunawe maonganga thitho ndinoukami-a.’

Yohova atoom’mwandela Jeremiya ira agumani-e andimuwa othene, amala athwe garafa lamateyalo thitho awandela ira: ‘Yerusalemu unodha thwiwa e-ni, Jeremiya angairilena vyevi, andimuwao tatoothakaleliwa maningi.’ Mulimbo velela sembe mwinango dhinalee Pasuri atoom’koma Jeremiya, adhamale ongom’manga matandaza. Jeremiya atookala namatandazeene ma-iyu othene thitho kaaoda wenda. Undhe ungachide, Pasuri atoom’thathula Jeremiya matandazeao thitho Jeremiya aongile ira: ‘Vinondiirela aliwavi vitondichenyeli-a. Ee-no kandinolaleelave okoka.’ N’nga Jeremiya atoo-iyadi laleela? Khabe. Angathuulele pama mwasula aongile ira: ‘Milanyu ya Yohova ili ninga i-nda wa mulo rimani mwanga moi kandinaode i-ya laleela.’ Ee-no Jeremiya atoodhowanave wenjeli-a atwao.

Vangavirile vyawa, Zedekiya atookala mwene wa Ayuda. Mbwenye alimbo velela sembe naanamaongela onama tanoom’mwidanana Jeremiya namwasa wa milanyu yalaleela liye. Aliwa tatoowandela andimuwa ira: ‘Mutu wen’na unofwanela phiwa.’ Mbwenye Jeremiya aongile ira: ‘Mwandipha pyoi muphide mutu o-odawa miyo ndinowandela atu madhu a Yohova a-kala anga.’ Andimuwa tangavwide vyevi, tatoonga ira: ‘Mutu wen’na kanofwanela phiwa.’

Jeremiya atoodhowanave laleela thitho andimuwao naaliwene tatoothakaleliwa maningi. Ee-no tatom’vepha mwene ira Jeremiya aphiwe. Zedekiya atoawandela ira anooda m’mwiirela Jeremiya yongo iliyothene inafune aliwa. Ee-no aliwa tatoom’ponyedha muisimeni yodi-a thitho mokala madogo ira akwele mwemo. Jeremiya atooroma mbiyela madogonimo.

Adhamale o-arela mwene dhinalee Ebedi-meleki atoodhowa mam’mwandela mwene ira: ‘Andimuwale atom’ponyedha Jeremiya muisimeni. Nam’iya mwemo unokwa.’ Zedekiya atoom’mwandela Ebedi-meleki ira atukule atu okwakwana 30 ira tadhowe tamam’kumi-emo. Na-iyene nisazi-edhelenga ifwanafwani-o ya Jeremiya thitho kanirumeli-e ira yongo iliyothene iniimwanani-e laleela.