MURU 58
Sidadi la Yerusalemu Iatoonongiwa
Hora dhinjinji Ayuda tanoo-iya lambela Yohova nodhowa malambelanga milungu inango. Yohova atoodhilimbi-edha akami-a wavyawa vinjinji. Anooruma anamaongela ira tamaawenjeli-e, mbwenye aliwa katavwela. Malo moavwela taira atheya. N’nga Yohova amali-idhe a-vi nyarwa yolambela mafwano?
Nebukadinezara, wenuo ali mwene wau Babulo, atoogonji-a vilambo vinjinji. Vaulendo wagonji-idhe liye Yerusalemu, atoom’inda Mwene Yeoyakini, andimuwa, anyakhondo naatu enango adodoliso. Mbwenye othene enala atoadhowana wu Babulo. Atootukula fuma yothene yeniyo yali kachisini mwa Yohova. Ee-no Nebukadinezara atom’sakula Zedekiya ira akale mwene wa Ayuda.
Voroma, Zedekiya anom’vwela Nebukadinezara. Mbwenye atu tali vaduzi na ilambwiyo thitho anamaongela onama, tatoom’mwandela ira a-iye vwela utongi wa Babulo. Mbwenye Jeremiya atoom’mwandela ira: ‘Mwa-iya vwela a Babulo, atwinyu anophiwa thitho muilambwila munodha kala ndhala namarenda.’
Zedekiya angatongile vyawa 8, atoo-iya vwela a Babulo. Liye atoovepha anyakhondo Aiguputu ira tam’kami-e. Ee-no Nebukadinezara atooruma anyakhondwee ira tamanonge Sidadi la Yerusalemu. Anyakhondwao tangarungunuwile Sidadilo, Jeremiya atoom’mwandela zedekiya ira: ‘Mwaawandele a Babulo ira mutogonja, mwaira e-no Sidadi thitho atwinyu anovulumuwa. Mbwenye mwakhonda a Babulo anoka-a Sidadili noutukulani udhowanani uudhaari.’ Zedekiya atoowakhula ira: ‘Khandinowesedha navang’onovene awandela a Babulo ira nditogonja.’
Vangavirile vyawa viraru nameya, anyakhondo awu Babulo tatoovolowa sidadimo nolika-a. Aliwa tatooka-a kachisi, nopha atu anjinji nothukula atu enango adhowana uudhaari wu Babulo.
Zedekiya atooroma tawa mbwenye anyakhondo awu Babulo tatoom’tamangi-a. Tam’indile vaduzi na Yeriko nom’dhowana wa Nebukadinezara. Mwenula atoopha a-ima a Zedekiya liye aonanga. Ee-no tatom’kumi-amo metho nom’ela perezo thitho akwele mwemo. Mbwenye Yohova atoawandela Ayuda ira: ‘Vavira vyawa 70 ndinodha uweleli-edhani wu Yerusalemu.’
N’nga chini vyaireile azombwale tangadhowile wu Babulo?’ N’nga aliwa tatoodhowanave kala ororomeleya wa Yohova?
“Yohova Nlungu wa Kopolo Dhothene, matongelwinyu mbaimbarimbari na olongomana.”—Apokalipse 16:7