Vyatonga Nlungu, vyophanduchiwa vyothene vyali vyovwelana na vyarendele

Mwasiwa ngwan’ni ninofuneela Umwene wa Nlungu?

Varomile istoriya yaatu, Namaphanduchi-u wenuo dhina lee ngu Yohova, ali Namatonga mmbo-i baa-i. Liye atonga mwaudhivela. Liye atosakha-edha limburo laphama ira atu takhalenga—mundani mwa Edeni thitho liye atoava-a vyodya vinjinji. Vyevyo vingalive e-no, liye atoava-a atu basa ira taliire. (Maromelo 1:28, 29; 2:8, 15) Atu tangakhanle aimwerumweru naarendele a-akhale ira tanotongiwave na Umwene waudhivela wa Nlungu.

Adamu anga-indedile yova-a yokondi-iwa yamva-idhe Eva — Atu oroma tatokhonda ira Nlungu akhale namatongiwa

Bibilya linoonga vya ngelo odhimbinuwela unaitaniwa Satana Namanami-a, atododomi-a ifunelo ya Nlungu yotonga. Liye aoni-idhe ira atu tangakhanle aimwerumweru vinjinji ta-a a-relenga utongi wa Nlungu. Vyova-a tangaranga pyoi makholwi-u oroma Adamu na Eva ta-arenle vyonama vya Satana ee-no tatomdhimbinuwela Nlungu.—Maromelo 3:1-6; Apokalipse 12:9.

Mwasa oi Adamu na Eva tatokhonda utongi wa Nlungu, aliwa tatoluza nyumba Paradaizoni thitho idedi-edho yokhalao dhowa nodhowa na manungo o-odawa. (Maromelo 3:17-19) Vyosakhula viwa vyatolandi-a a-imiwa. Bibilya linoonga ira mwasiwa Adamu utodawa, “madawo to-ovolowa ilamboni na wukwa dhela mwa madawo.” (Aroma 5:12) Madawo atodhana nyarwa ilukhulu: “Va hora yeniyo mutu unomphei-a mutu fwee vomtonga.” (Namalaleya 8:9) Va madhu enango, atu tatongangana, nyarwa dhinaave wenjedheleya.

ROMA WA UTONGI WAATU

Nimirodi angaimenle mwauwali. Atu anooneya vathivathi tamanganga nyumba. — Nimurodi atomdhimbinuwela Yohova

Utongi oroma waatu unoongiwa Bibilyani wali wa Nimurodi. Thitho liye atodhimbinuwela utongi wa Yohova. Khumela hora ya Nimurodi anamatonga ano-indi-edha basa mo-ofwanela izoiwa votonga. Vyawa 3.000 ndulimu mwene Solomo atolemba ira: “Miyo ndatoona mi-odi yaatu onyingaleliwa. Thitho khavali mutu oadidili-a oanyingalelao tali anguru.”—Namalaleya 4:1.

Vapheeno vyongo khavili vyo-iyana. Mu 2009, latokhumi-iwa bukhu limbo-i la Nações Unidas laongile ira utongi wauwalanga unave oneya ninga “yongo yothene yothakhala wari mwaivwelano mwi-u.”

HORA YA VYOIREYA

Ilamboi inofuneela namatonga waphama na matongelo aphama. Thitho phievyo Namaphanduchi-u vilanyedhile liye!

Viruthiruthi: Vyo-arelavo vya utongi waatu. 1.I-yana mmbo-i wa ilambo ya Aziya angakhaatidhe valimburo lothakhala angam-idedhele mwanee thitho alanga. 2. Mutu mbo-i ndimuwa waimbwi uli vakhamani ximitari abulelanga. 3.Anyakhondo tali-anga futidhiwa valimburu lowanelavo khondo 4.Atu othakhaleliwa takhuwanga thitho takhondi-anga ira bandeira la-aimechiwe. 5. I-yana mmbo-i na mwanee tangali udhe wa nyumbiwa, tangafwa-idhe mavidhuru a siwo vitomala twiwa, 6. Sidadi linongeyanga mbwenye langanna mifiyu na yotimi-ana mulu. — Angalive ee-no anamatonga ailabwila khatinaoda mali-a nyarwa dhilukhulu dhedho atu dhinagumanana aliwa

Nlungu utokhaathei-a Umwene venango utongi, wenuo unofuna volowela malamulo aatu, ee-no “thitho unodha khalawo dhowa nodhowa,” (Danieli 2:44) Wen’na ngu Umwene wenuo mamiliyau aatu unalobelela aliwa. (Mateu 6:9, 10) Mbwenye Umwene wen’na Nlungu khanadha utonga ekhene. Malo mwee, uva-idhe mwinango akhalileo vailambo yavathi ninga mutu ira akhale namatonga. N’nga Nlungu umsakhunle liye mbaani?