Levelela vyodawa vyaireile walelene

Ndhila imbo-i inaleveleliwena i-yo vyodawa vi-u, ndi sembe yavelele Yesu vo-indi-edha basa sangirilee. (Aef. 1:7) Mbwenye Bibilya linoonga ira: “Nlungu utoirana vyevi vofuna oni-a longomanawee namwasa oi atoothonyi-edha ira ngo-othakaleliwa mombaranya volevelela vyodawa vyaireile walelene,” vyevyo vinothapulela ira Yesu a-anavelele kuto. (Aro. 3:25) N’nga Yohova aodile a-vi irana vyevi, vahora imbo-ive liye thonyi-edha longomanawee?

Wa Yohova vyali ninga kuto watoomala veleliwa walelene romela vahora yathuulele liye sakula “ziza” loi lidhavulumuche atu. (Mar. 3:15; 22:18) Nlungu kaakaikela navang’onovene ira horee yadhafiya, Mwanee odhiveliwiwa unodha velelela ingumiyee ninga kuto. (Agl. 4:4; Aeb. 10:7-10) Nlungu atom’va-a Yesu kopolo dhooda levelela vyodawa masiki vahora yali liye a-anavelele kuto. Yesu anoolevela vyodawa vyaatu enao tathonyi-edhile ira tatokaana iroromelo namwasa oi tatoidhiwa ira kuto unofuna liye velela unodha kunela venango mali-a vyodawa viwa.—Mat. 9:2-6.