Vyongo vinaire i-yo ira nikale axamwali aimbarimbari

N’nga hora ndhinango mwanoodhivwa ira mulimwekene vevo vagumanana nyo nyarwa? Ninokala “muhora yavakhundo thitho yorucha” vyevyo vinairi-e ira nikalenga osukwala na nyarwa thitho dhivwanga ira nili okene. (2 Ti. 3:1) Mbwenye nakala vanyarwani nithuulelenga ira vatokala atu enango ananikami-e. Bibilya linoonga ira afwi-u aimbarimbari anonikami-a “vakala nyarwa.”—San. 17:17.

MWEMO AXAMWALI AIMBARIMBARI MUNANIKAMI-EDHELE ALIWA

Rumiwi Paulo anookami-iwa mundhila ndhinjinji naafwee awendana liye vambo-i. (Ako. 4:7-11) Vahora yamangiwile liye wu Roma afwee tatoom’kami-a irana vyongo vya-aonda liye irana. Mofwanafwani-a, Epafroditu atoom’va-a Paulo vyongo vyafuneela liye vyam’tumizela abali naarongola kumela wu Filipi (Afl. 4:18) Tikiko anoovelela makarta enao Paulo alembela liye mipingo yo-iyanai-yana (Ako. 4:7) Paulo anooda ira urumiwee angalive ira ali kadeyani. N’nga i-yo ninaire a-vi ira nikale xamwali waimbarimbari?

Malamboano vatokala abali naarongola anothonyi-edha vinaire xamwali waimbarimbari vokami-ana. Elizabeti wenuo ngu painiya okaatheyea wu Espanya, atoonga mwemo rongola mwinango mwam’kami-edhele liye vahora yagumanana liye nyarwa. Vahora mmee Elisabeti vyafwanyiwile liye na kansa, rongoluo anootumizela mamesage manjinji okaana maverso a Bibilyani. Elisabeti aongile ira, “mamesage ao tanoondilimbi-a thitho ndikami-a ira da-adhionenga ira ndili dekene.”—San. 18:24.

Ninooda vwelana na Makristau afwi-u naakami-anga fwanyeya vamigumanoni thitho laba vambo-i naaliwa basa yolaleela. Mwaifwanafwani-o ninooda m’kami-a bali venango rongola oulula vom’ndhowane migumanoni venango muurumiwini. Mwairangana vyevi monodha kala osangalala thitho munodha limbi-ana. (Aro. 1:12) Mbwenye vatokala Makristau enango oi katinooda kuma vandhe. N’nga ninaathonyi-edhe a-vi ira nili axamwali aimbarimbari?

MUKAMI-ENGA ATU OI KATINOODA KUMA VANDHE

Makristau enango katinoodha kuma vandhe namwasa wa marenda venango namwasa wa nyarwa dhinango. Ifwanafwani-o vamwasula ndi Davide wenuo afwanyeile na marendha akasa. Wamyedhi 6 liye anoowachela kami-o lamirombwee. Vahora yawachela liye kami-o lamirombweli, Davide na i-yane Lidia tanoonela migumano voira ligareliwa va vidiyo koferensiya

N’nga afwiwa pingoni tanowakami-a moi a-vi? Vasogolo vamigumano atu tafwanyeya va Nyumbani ya Umwene tanoodhilimbi-edha ira tawarendhe na Davide na Lidia dhela vavidiyo koferensiya. Onjedhela vevo Davide na Lidia tawakula vamigumanoni abali naarongola tanowatumizela mamesage owalimbi-a. vyevi vyatooiri-a ira Davide na Lidia ta-avivwenga ira tali okene.

Ninooda ira masaka-edho oi nilaleelenga na abali naarongola enao ta-anaodhe kuma vandhe. Akala ninochinja vyongo ving’ono ving’ono vaingumii-u ninooda thonyi-edha ira kaninoadhiwala atu unala. (San. 3:27) N’nga munoona a-vi ira masaka-edho oi mulembenga vambo-i makarta venango laleela dhela va telefonini? Atu oi katinoodha kuma vandhe tanooda fwanyeya va gumano okozeela urumiwi dhela va vidiyo konferensiya. Davide na Lidia tanoosimba maningi masaka-edho enala. Davide atoonga ira, “Kala vambo-i naaliwa vahora yokozeela urumiwi thitho lobela vambo-i na gurupuli wanoondilimbi-a maningi.” Onjedhela vevo, akala vinoodeya munooda ira masaka-edho oi hora dhinanga mumafunjedhega Bibilya na namafunjedhinyu na namalaleela wenuo a-anoodha kuma vandhe.

Nawaredhanga naabali naarongola oi katinoodha kuma vandhe, ninofiya vowaidhiwa pama thitho uxamwali-u naaliwa unokala olimba. Nalabanga basa yolaleela naaliwa, ninoona mwemo muno-indi-edhela aliwa basa mwadodoliso madhu a Nlungu ira taafiye atu varimani thitho vyevi ninooda iri-a ira naadhiveliwengana maningi. Mwakami-anga Makristau afwinyu iranga vyongo vyokuza lambela munooda kaana afwinyu anjinji.—2 Ak. 6:13.

Paulo atoodhivwa pama fwee Tito angadhidhe dhanlimbi-a. (2 Ak. 7:5-7) Mwasa wa Paulula unonituucha ira ninooda limbi-a Makristau afwi-u voonga naaliwa mwaudhivela, venango kaana hora yowaredha naaliwa thitho ira vyongo vyothene vinaodhe i-yo ira naakami-e.—1 Ju. 3:18.

MUKAMI-ENGA AFWINYU TAONI-IWANGA NYARWA

Abali naarongoli-u wu Rusiya tatovelela ifwanafwani-o yapama vokami-ana vohora inooni-iwa aliwa nyarwa. Kathuulelani vyongo vyaairele Sergey na Tatyana. Mapolisiya tatoodha nyumbani wiwa dhasakasaka thitho tatowatukula nowadhowana wu polisiya ira amaafuke vyofuka. Tatyana ngwaromile kumi-iwa liye welela vandhe. Sergey aongile ira: “[Tatyana] angafiile vadhe rongola mwinango olimba rima atoodha hora yeniyene. Afwi-u enango anjinji tatoodha dhanikami-a romari vyongo mbamwi-u.”

Sergey atoowenjedhela onga ira: “Ndinodhiveliwana maningi lemba la Sanganiko 17:17, lelo linoonga ira: “fwaa waimbarimbari unothonyi-edha udhivela hora dhothene, thitho ngubalaa abaliwile ira aukami-e vakala nyarwa. Nditoona kwakwaneli-edhiwa wa madhu enala vahora ikadhi miyo ndioni-iwanga nyarwa, yoi kandaodhe vilela ndekene. Yohova atoondiva-a afwanga olimba rima enao anondikami-a hora dhothene.”a

Vevo nyarwa vanodhowanave aliwa wenjedheleya vailamboi, ninooda funeelanga afwi-u ira tanikami-e. Thitho afwi-uao tanooda nikami-a maningi vahora ya nyarwa ilukulu. Ee-no dhoweni nivilimbi-edheni limbi-a thitho kami-a afwi-u.!—1 Pe. 4:7, 8